دانا حمدان تتعرض للنصب: مش راضي يرجعلي فلوسي.. وعمال يماطل وبيهددني

أعلنت الفنانة دانا حمدان تعرضها للنصب من أحد بائعي المفروشات المنزلية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات دانا حمدان عبر إنستجرام

تعرض دانا حمدان للنصب

وقالت دانا حمدان في مقطع فيديو لها: أنا اتنصب عليا، حد قالي حوليلي فلوس عشان المفروشات اللي أنا بشتريها، وخد الفلوس ومش راضي يرجعهالي تاني، أنا بقولكم الكلام دا عشان تاخدوا بالكم، متحولوش فلوس لحد، اشتروا حاجتكم من محلات معروفة.

وتابعت: جو حوليلي عربون وبعد كدا حاجتك هتوصلك متعملهوش، وأنا بتعرف أني غلطت في حق نفسي، مش المفروض واحدة في سني وبخبرتي في الحياة تغلط غلطة زي دي، الشخص دا مش راضي يرجعلي فلوسي بالرغم من أني طلبتها أكتر من مرة.

واضافت: واه أنا مش هسكت، وهو بالنسباله أنا فنانة يعني فلوسي مش عارفة اوديها فين، وعمال يماطل وفيه لكنه تهديد معرفش يقصد بيها ايه، وعايزة اقوله حسبي الله ونعم الوكيل ويارب تتردلك في أعز ما عندك، ويارب يبتليك ببلاوي بعدد الفلوس اللي اخدتها مني.

دانا حمدان وقرار الزواج

وفي وقت سابق، أكدت الفنانة دانا حمدان أن تعرضها للتحرش في طفولتها لم يكن السبب في عدم زواجها حتى الآن، مشيرة إلى أن التحرش قد يحدث مع أي شخص.

وقالت دانا حمدان خلال لقاء لها ببرنامج الستات، مع الإعلامية سهير جودة، عبر شاشة تلفزيون قناة النهار: فيه رجالة كانت عايزة تتجوزني بس بيجوا في أوقات مش مناسبة ليا، يعني بمعنى عايش في بلد بعيد، مثلا أنا في مصر وهو يبقى في أمريكا.. ممكن مثلا يبقى رجل متزوج ودا بالنسبالي مرفوض تماما، أو ممكن يكون كويس بس مش بيحب الكلاب.

وتابعت: وتجربة التحرش حادثة ممكن يتعرض ليها أي شخص، ولغاية دلوقتي بفتكرها كأنها حصلت امبارح، أنا كان عندي 14 سنة ورايحة عند دكتور صديق للعيلة، و عمري ما هنساها وأثرها عمره ما هيروح، لكن مش هقدر أقول أن حدوثها خلاني أخد موقف من الجواز.