حكيم: مهرجان العلمين أهم حدث غنيت فيه والمزيكا غناء الروح

كشف المطرب حكيم عدد من التصريحات خلال لقائه ببرنامج dmc، من بينها حفله في مهرجان العلمين 2023 وحديثه عن المزيكا ودروها في حياة الشعب وعلاقة حكيم بجمهوره.

تحيا مصر يرصد في ذلك التقرير أبرز تصريحات حكيم

أبرز تصريحات حكيم

• أهم مهرجان غنيت فيه في حياتي هو مهرجان العلمين، وأنا أول مرة أزور مدينة العلمين الجديدة ولم أتوقع ما رأيته.
• أنا لفيت العالم، ولفت نظري في العلمين الصروح العظيمة والمباني الجامدة، كنا نمشي في أي مكان في العالم والدول العربية ونشوفها ونقول ليه ميكونش عندنا ده، واللي إتعمل عندنا أحسن وأنا فخور بما تم عمله في بلدي.
• المزيكا غذاء الروح، ولما نغني الحاجات الدراما وتتلحن بإيقاع رشيق أحسن حاجة، لما الواحد يرقص ويتمايل بأوجاعه، وممكن دموعه تنزل.
• أنا دايما أحاول الاستفادة من روح العصر في الموسيقى، علشان أدي طعم جديد للأغنية الشعبية.
• الأغنية الشعبية لها طابع خاص عند شعوب كثيرة، ويسمعها اللي فوق واللي تحت.
• إذا كانت آلات الحروب والدمار يتم تطويرها فأنا أولى إني أطور الأغنية الشعبية أو أي أغنية وموسيقى.
• بستفيد من روح العصر في أغاني تسعد الناس.
• دائما أقدم الغناء الشعبي بلحن شعبي وكلام شعبي، لكن أغير في الإطار الموسيقي، وعملت الأغنية الشعبية بكل أنواع الموسيقى.

أخر أعمال حكيم 

ويذكر، أن أحدث أعمال حكيم الغنائية طرحه لـ أغنية مدلعة، وهي كلمات الراحل أيمن الطويل، لحن علاء غنيم ،توزيع طارق مدكور، وتقول كلمات الأغنية: بص بص بص وبص بص على الحلاوة بص على الجمال بص على الشقاوة بنت الناس التقال بص بص بص وبص بص على الحلاوة بص على الجمال بص على الشقاوة بنت الناس التقال يا قشطة يا جامدة وكمان مدلعة كل اللي يشوف جمالك يقول دي بأربعة يا قشطة يا جامدة وكمان مدلعة كل اللي يشوف جمالك يقول دي بأربعة بت حلوة توب كنتالوب لما شافتها قلبي راح مطبطب قولي لو مكاني تعمل ايه قولي لو مكاني تعمل ايه نمرة صح لو تشوفها صح صح كله جنب منها سيقى بح بح هي احلى وردة في البوكيه يا قشطة يا جامدة وكمان مدلعة كل اللي يشوف جمالك يقول دي بأربعة يا قشطة يا جامدة وكمان مدلعة كل اللي يشوف جمالك يقول دي بأربعة.