المتحدث الرسمي للمهن الموسيقية عن احتفال السعودية بجيل التسعينات: الأغاني اللي حبناها كانت كلمات مصطفى كامل

أعرب الدكتور محمد عبد الله المتحدث الرسمي لنقابة المهن الموسيقية عن سعادته بالاحتفال بجيل التسعينات في المملكة العربية السعودية.

تحيا مصر يرصد سعادة المتحدث الرسمي لنقابة المهن الموسيقية للاحتفال بجيل التسعينات.

تصريحات محمد عبد الله عن مصطفى كامل 

وقال: احتفلت المملكه العربيه السعوديه بجيل التسعينيات وجابت  اشهر النجوم في الوقت ده .. واحلي اغاني في الوقت ده .. واكتشفنا ان معظم   الاغاني اللي حبناها كانت من كلمات الشاعر مصطفي كامل !! ..... لازم نقف شويه ونسأل ليه ؟! ليه الشاعر ده هو اللي ظهر في جيله ؟! ليه هو اللي نقل الاغنيه من مكان لمكان تاني.

وتابع: وظهر علي ايديه ونجح المع النجوم اللي بتحتفل بيهم المملكه العربيه السعوديه حاليا ....السر في القلب ..  كلماته خرجت من قلبه ودخلت قلوبنا وعاشت جوانا ... رددناها من غير مانحس .... حول الكلام بتاعنا لاغنيه مست قلوبنا ولمست مشاعرنا .... حبناها وقلناها معاه .... وده يدل علي اننا قدام مبدع ... ابدع وغني له عشرات المطربين . ....احنا مع الراجل  المبدع القوي الحساس الواضح الراجل اللي بسببه بيغني له مطربين كان هو اللي ليه الفضل بعد ربنا انهم يبقوا نجوم الصف الاول في التسعينيات ويغنوا في المملكه في عام ٢٠٢٣ .. ولو عملنا حفلات كتير مش هتخلص اجمل كلماتك.

المتحدث الرسمي لنقابة المهن الموسيقية يشيد بالفنان مصطفى كامل 

وأضاف: وقت الحب مسبتناش وحبينا معاك وكتبت كلمات الحب .... ووقت الشده اللي مرينا بيها كتبت ولحنت تسلم الايادي ودخلت قلوبنا وفرحتنا معاك وبكينا معاك وضحكنا معاك حبناك من قبل مانشوفك ودلوقتي انت هنا معانا وده فخر لينا كلنا انك النقيب العام 
لانك مشرفنا ومشرف نقابتنا ومشرف بلدنا هنا و في المملكه العربيه السعوديه وفي اي مكان يامصري يااصيل ياابن النيل.. عشت لينا وابدعت يانجم ياصانع النجوم بجد .. والمجلس كله وراك وفي ضهرك علي قلب رجل واحد.

على الصعيد الآخر، كتب مصطفى كامل، عبر حسابه الرسمي بموقع التواصل الاجتماعي فيسوك بعد إلغاء حفل ترافيس سكوت: الحمد لله رب العالمين انتصار الحق والحفاظ علي القيم والعادات والتقاليد، لم ولن نكون أبدًا ضد تنشيط السياحة، ولم ولن نمنع أيًا من مظاهر الاحتفالات الفنية بكافة ألوانها وتنوعاتها الموسيقية مادامت لا تمثل قلقًا وخوفًا على التكوين الفكري والعقائدي لأبنائنا من الشباب المصري.

وتابع: قمت بأداء واجبي تجاه أبناء وطني بعد ما لمسته من مخاوف وقلق وغيره على عاداتنا وتقاليدنا، استمعت وشاهدت كل الفيديوهات الموثقة على مواقع التواصل الاجتماعي، وكان القرار هو الانحياز التام لآراء ووجهات النظر المحترمة، ورميت وراء ظهري آراء كل الأصوات القبيحة وأصحاب الفكر الشيطاني والأقلام رخيصة السعر والهدف، والمعروف هويتها وانتماءاتها غير المستحبة والمكروهة عند العبد وعند الرب.

تعليق مصطفى كامل على إلغاء حفل ترافيس سكوت

وأضاف: أوضحنا موقفنا كاملًا ومبررًا تبريرًا منطقيًا وعقلانيًا وتركنا الأمر لله أولًا وأخيرًا ثم لأولي الأمر الأمناء على مستقبل هذا الوطن الحبيب، شكرًا لكافة جهات الأمن بوطني الحبيب مصر على قراءة المخاوف التي نادينا بها، تحيا بلادي بالقيم والمبادئ والاحترام.