دعاء فاروق: الناس اللي بتتصور وهي بتاكل هما دول الغلابة بطلوا تنتقدوهم

وجهت الإعلامية دعاء فاروق رسالة لمنتقدي الأشخاص التي تقوم بتصوير نفسها أثناء تناول الطعام، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات دعاء فاروق عبر إنستجرام

وقالت دعاء فاروق في مقطع فيديو لها: استأذنكم تبطلوا تقولوا للناس اللي بتاكل قدام الكاميرا وتصور نفسها "حرام عليكم حسوا بالغلابة"، حضرتك أصلا هما دول الغلابة الشقيانين اللي بيشتغلوا، لكن عمرك ما هتلاقي حد من اللي قاعدين في قصور ماسك ورك فرخة في مطعم وبيعمله ريفيو.

دعاء فاروق: أي راجل هيعلق بطريقة غير لائقة على صوري هيتهزأ 

وسبق وأن وجهت المذيعة دعاء فاروق رسالة شديدة اللهجة، إذ توعدت للرجال الذين يعلقون بطريقة غير لائقة على الصور، وذلك من خلال منشور عبر حسابها الشخصي على موقع التواصل الاجتماعي "فيسبوك".

حيث كتبت "فاروق": "صباح الفل عشان نبقى على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله".

وتابعت: "ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع على شكل أو جمال بيتهزأ  ويتعمله بلوك زيه زي اللي بينظر ويدخل يحاسبني أني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط".

رأي دعاء فاروق عن أزمة منتصف العمر

وعلى صعيد آخر، حرصت المذيعة دعاء فاروق على إبداء رأيها في مسلسل “أزمة منتصف العمر”، الذي يعرض حاليًا على منصة شاهد الإلكترونية، معربة عن استيائها من الأحداث والشخصيات، وذلك من خلال منشور لها عبر حسابها الشخصي على موقع التواصل الاجتماعي “فيسبوك”.

حيث كتبت: “طيب يا جماعة حد مستني النهاية في سواد منتصف النيلة المستنقع اللي بنتابعه.. أنا بالنسبة لي وبالاصألة عن نفسي كده جاب الناهية خلاص.. فاضل تلات حلقات أو حتى عشرة دي كلها شكليات المسلسل خلص والستاير السودا نزلت، موتتوا بصيص الفرحة الوحيد و قتلتوا سرسوب أي أمل كنا مستنيينه يظهر”.