جوري بكر ترد على شائعات طلاقها: أعصابي تعبت

حرصت الفنانة جوري بكر الرد على شائعات طلاقها التي تنتشر عبر منصات السوشيال ميديا من حين لآخر، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات جوري بكر عبر إنستجرام

جوري بكر: حياتي الشخصية خط أحمر

وكتبت جوري بكر خلال خاصية استوري: أنا بخير الحمد لله وزوجي الراجل المحترم بخير وربنا يكرمنا إن شاء الله ونشوف ابننا على خير ادعولنا بس، وكفايا اشاعات ارجوكم أعصابي تعبت والله تعبت يارب تكونوا مبسوطين كدا ومتطمنين، حياتي الخاصة خط أحمر.

وتابعت: على فكرة أنا بخير ومفيش أي حاجة من الاشاعات اللي بتطلعوها عليا حصلت ومحدش يدخل يمثل ويقولي خير حبيبتي مالك ما انتو مش بتسالوا غير في المصايب لكن غير كدة لا.. هفضل طول عمري صريحة وأقول أي في قلبي لاني مبخافش غير من اللي خلقني.

استياء جوري بكر من أسعار الساحل الشمالي

وسبق وأن أعربت الفنانة جوري بكر عن استيائها من أسعار المنتجات والخدمات في منطقة الساحل الشمالي، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

وقالت جوري بكر في مقطع فيديو لها من خلال خاصية استوري: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.

جوري بكر:  ازازة مية بـ 200 ج ليه هي مية من الجنة !

وتابعت: لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.

واضافت: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة !.