في عيد ميلاده| تعرف على حكاية تصريح تامر حسني: مش عايز أموت وأنا مطرب

يعتبر الفنان تامر حسني من أشهر نجوم مصر والوطن والعربي، نظرًا لتاريخه الفني الحافل بأنجح الأعمال الفنية في الغناء والتمثيل، ولكن هناك بعض الجوانب في حياته الشخصية لا يعرفها عدد كبير من جمهوره، وبمناسبة احتفال تامر حسني اليوم الأربعاء بعيد ميلاده الـ 46، سيرصد موقع تحيا مصر في هذا التقرير حكاية تصريح تامر حسني بأنه يتمنى حين يموت لا يكون وقتها مطربًا.

حكاية تصريح تامر حسني: مش عايز أموت وأنا مطرب

في عام 2006 حل المطرب تامر حسني ضيفًا على برنامج يا مسهرني، الذي كانت تقدمه الإعلامية إنجي علي، عبر شاشة تلفزيون قناة دريم، وفي الحلقة تحدث تامر عن تفاصيل مشواره الفني ورحلة كفاحه من البداية، وكشف أمور كثيرة عن حياته الفنية والشخصية.

وفي الحلقة سألته إنجي علي عن الفكرة التي تشغل باله في الفترة الحالية ولا تغيب عن تفكيره، فاستغرق تامر حسني ثواني معدودة للإجابة على هذا السؤال، وطلب من "إنجي" عدم الخوض في تفاصيل بعد أن يجيب، وفاجئ الجمهور برده قائلًا: مش بتمنى أموت وأنا مطرب ودائمًا خايف من كدا.. مش عشان بعمل حاجة غلط.. بس مش حاسس الغنى أخر الأحلام.. في حاجات أحسن من كدا تتعمل.

عودة التصريح إلى الواجهة بعد مرور سنوات عديدة

ويشاء القدر أن يعود ذلك التصريح الصادم بعد سنوات طويلة إلى الواجهة مرة أخرى، أثناء أزمة تامر حسني مع الفنانة حلا شيحة بعد تعاونهما في فيلم مش أنا، الذي تم طرحه في السينمات عام 2021.

فبعد الانتهاء من تصوير الفيلم، ونزول الأغاني الدعائية له، صدمت الفنانة حلا شيحة الجمهور بتبرأها من الفيلم بسبب المشاهد الرومانسية فيه، وكتبت وقتها منشور عبر حسابها الشخصي على موقع تبادل الصور والفيديوهات إنستجرام، تهاجم فيه تامر حسني بسبب عدم وفائه بوعده لها بعدم عرض المشاهد الرومانسية، وذكرته في المنشور بتصريحه القديم: "مش عايز أموت وأنا مطرب".

حلا شيحة تذكر تامر حسني بتصريحه: مش عايز أموت وأنا مطرب

وكتبت حلا شيحة في منشورها: أنا اتفاجأت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه.. واتفاجئت أكتر خصوصا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات وأكدلي إنه هيحترم رغبتي".

وتابعت: "إحنا يمكن نجحنا بمقاييس الدنيا بس صدقوني بمقاييس ربنا احنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وننسى".

واستكملت: "أنا مش حتكسف من حد أنا تبت من المشاهد دي وهي لا تصح وأنا غلطت وبصلح، وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها، إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".

واختتمت المنشور: "احنا كلنا عندنا امتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايما خايف كده.