الموت يفجع المطرب أحمد شيبة.. تفاصيل

رحلت عن عالمنا، اليوم الإثنين والدة المطرب الشعبي أحمد شيبة بعد صراع مع المرض، ولم يتم الكشف حتى الآن عن تفاصيل الجنازة أو العزاء. 

تحيا مصر يرصد وفاة والدة المطرب أحمد شيبة. 

أزمة والدة أحمد شيبة الصحية

وكان أحمد شيبة ونجله طالبوا بالدعاء لوالدته حيث كانت تعرضة لأزمة صحية نقلت على أثرها للمستشفى، وكتب عبر حسابه على فيسبوك: يارب انت الشافى المعافى ،،، اشفيلى امى ونور عنيا ،،، واشفى كل مريض يارب العالمين 🥲
أمي بين إيدين ربنا ومحجوزة في مستشفى بالإسكندرية .. ياريت الجمهور يدعيلها.. كل الكرم اللي ربنا رزقه ليا بسبب أمي ورضاها، فيارب مشوفش فيها أي حاجة وحشة من غيرها مش هعرف أعيش.. دعواتكم امى حالتها حرجه 🥲. 

تصريحات أحمد شيبة 

على الصعيد الآخر، تحدث أحمد شيبه عن أغنيته الشهيرة اه لو لعبت يا زهر قائلًا: مستفدتش ماديًا بأغنية آه لو لعبت يا زهر ومخدتش منها جنيه وعملتها على حسابي.

وتابع: وأضحك عليا فيها وأنا راضي والجمهور عرفني بيها، وكنتش متوقع النجاح ده لاغنية آه لو لعبت يا زهر.

وأضاف: أنا فرحان بالكنز اللي فيه والكنز هو حب الناس وحب الناس مش بفلوس وفي ناس عندها فلوس بس مش عندها حب الناس.

كلمات أغنية آه لو لعبت يا زهر

اللي له قرش مبينامش
ما بالك بقى باللي عليه
ملعون أبوك يا فقر، حاوجني للأندال
ذليت عزيز النفس عشان عديم المال
ملعون أبوكي يا عوزة، ذلة السؤال قتال
آه لو لعبت يا زهر، وإتبدلت الأحوال
وركبت أول موجة، في سكة الأموال
لأروح لأول واحد، إحتاجتله في سؤال
كسر بخاطري ساعتها ودوقني ضيقة الحال
لأعمل معاه الصح أنا، وأسنده لو مال
وأقف جنبه في المحن وأكون، أكون طويل البال
آه لو لعبت يا زهر، وإتبدلت الأحوال
وركبت أول موجة، في سكة الأموال
آه لو لعبت يا زهر، وإتبدلت الأحوال
وركبت أول موجة، في سكة الأموال
لأروح لأول واحد، إحتاجتله في سؤال (آه)
كسر بخاطري ساعتها ودوقني ضيقة الحال
لأعمل معاه الصح أنا، وأسنده لو مال (آه)

وأقف جنبه في المحن وأكون، أكون طويل البال
وأكون طويل البال
وأعرفه إن الفلوس، الفلوس مبتعملش رجال

الحوجة مرة، آه
الحوجة مرة وياما بهدلت أبطال
بس خلاص أنا نفسي إتسدت
بعد ما إيدي للواطي إتمدت
بس خلاص
بعد ما إيدي للواطي إتمدت
كنت عامل خدي مداس، بحب الخير لكل الناس
بقيت عـ التراب بنداس، ناس تخوني وناس تبيعني
آه لو لعبت يا زهر، وإتبدلت الأحوال
وركبت أول موجة، في سكة الأموال
لأروح لأول واحد، إحتاجتله في سؤال (آه)
كسر بخاطري ساعتها ودوقني ضيقة الحال
لأعمل معاه الصح أنا، وأسنده لو مال (آه)
وأقف جنبه في المحن وأكون، أكون طويل البال (آه)
لأعمل معاه الصح أنا، وأسنده لو مال (آه)
وأقف جنبه في المحن وأكون، أكون طويل البال
وأكون طويل البال
الدنيا كانت ولا فارقة، مشيلتش أنا قرش فـ زنقة
الدنيا كانت ولا فارقة، مشيلتش أنا قرش فـ زنقة