سارة نخلة عن البلوجر التركي ياسين جنكيز: كل اللي بيعمله في حياته أنه بيهز كرشه

علقت الإعلامية سارة نخلة على هجوم رواد السوشيال ميديا على زيارة البلوجرز العالميين لمصر خاصًة البلوجر التركي ياسين جنكيز.

تحيا مصر يرصد تعليق سارة نخله على هجوم الجمهور على البلوجر التركي ياسين. 

تعليق سارة نخله على هجوم الجمهور على البلوجر التركي ياسين

وقالت سارة نخلة: ياسين جنكيز كل اللى بيعمله في حياته بيهز كرشة ومع ذلك يحترم لأنه عمل فكرة طلع بحاجة رقص رقصة ونزل فيديو على مواقع التواصل الاجتماعي وجالة فيوز كتير  هيقول لأكل العيش لأ. 

سارة نخلة تدافع عن ياسين جنكيز

وتابعت:" ياسين جنكيز مشهور في تركيا فلما يجي يصور العلمين والاهرامات والساحل واللي كلنا المفروض نفتخر بالأماكن دى فدا عنصر مهم جدا في السياحة نفسي أعرف لية بتنتقدوهم ".

وعن العريس الذي قدم دهب لوالدته في حفل زفافه قالت نخلة:"دى حركة محترمه جدا هو مأثرش على عروسته هو جاب ليها اللي يقدر عليها وحب يكافئ مامته على اللي عملته في حياتها علشانه اللي يقدر مامته ويحترمها دا اللي هيعمل عيالى ازاى يحترمونى واللي ملهوش خير في أهله مش هيبقي فية خير لمراته ولا عياله دى لافته حلوة".

وأضافت: كمان البلوجر الألمانى نويل روبنسون دة واحد هز شعره بدل كرشة دة حد مشهور أوي فلما متابعينه يشوفوا دة هيحبوا يجيوا مصر فأنا ضد أي حد بينتقد أي حد مش عارف يعمل زية هز صباعك ابتكر فكر في حاجة برة الصندوق كفاية انتقادات عماله على بطال خليك كرييتف".

برنامج Face off

جدير بالذكر أن برنامج"FACE OFF " تقدمه الإعلامية سارة نخلة يوميًا على شاشة قناة هي يوميًا من السبت إلى الأثنين وتستضيف خلالة عددا من نجوم الفن وتناقش القضايا المطروحة بين الجمهور.