سارة نخلة عن عريس قدم شبكة دهب لوالدته في حفل زفافه: حركة محترمة

علقت الإعلامية سارة نخلة على تريند العريس الذي قدم شبكة لوالدته في حفل زفافه خلال برنامجها فيس أوف والذي يعرض على شاشة قناة هي.

تحيا مصر يرصد تعليق سارة نخلة على عريي قدم دهب لوالدتخ في حغل زفافه. 

تصريحات سارة نخلة 

وقالت نخلة:"دى حركة محترمه جدا هو مأثرش على عروسته هو جاب ليها اللي يقدر عليها وحب يكافئ مامته على اللي عملته في حياتها علشانه اللي يقدر مامته ويحترمها دا اللي هيعمل عيالى ازاى يحترمونى واللي ملهوش خير في أهله مش هيبقي فية خير لمراته ولا عياله دى لافته حلوة".

تصريحات والد العريس

وأوضح والد العريس المستشار ماهر أبو نعمة خلال مداخلته في برنامج فيس أوف عن حقيقة تقديم العريس شبكة زوجته لوالدته قائلا:" هو جميل من ابن لأمه بعد ٢٣ سنة ونص  تعب وقلق واحتضان كل الحكاية السوشيال ميديا فهمت الموضوع غلط انه اخد الشبكة من مراته واداها لأمة".

وتابع: شبكة مراته ١٧٠ جرام وشبكه مامته ١٠٠ جرام وفاجئ العريس والدته قدام الناس بتقديم الهدية ليها وبعدها اتفاجئنا بأن الموقف دة بقا تريند واحنا مكناش بندور على التريند.

سارة نخلة تتحدث عن الزواج

وكانت قالت سارة نخلة: الست لما بتبقي عايزة تتجوز دة مش علشان العلاقة الجنسية علشان الونس وتحس أن في حد قاعد بيتنفس معاها في نفس البيت عايزة تحس بالأمان أن لو حصل ليها حاجة ممكن حد ينقذها.

وأضافت: "في ناس لو آبائهم صمموا على الجواز اول حاجة يقولها اتنازلى عن الورث الموضوع مش موضوع احتياجات جنسية مع أن الراجل والست ليهم احتياجات ومن حقهم يتجوزوا.

وتابعت: الستات والرجالة لما بيكبروا بيجيلهم زهايمر لأن مفيش حد بيتكلم معاهم اقعدوا مع بعض راجعوا الذكريات وفعلا الجواز في سن متأخر صحي لأن أحيانا في أهالى مش بيوافقوا يقعدوا مع أولادهم المتجوزين الحكاية مش حكاية ورث.

يعد برنامج "FACE OFF" تقدمه الإعلامية سارة نخلة على شاشة قناة هي يوميًا من السبت إلى الأثنين وتستضيف عددا من خلال نجوم الفن وتناقش القضايا المطروحة يوميًا.