حورية فرغلي: أنا رجعت طبيعية ومعنديش ورم في جسمي وقاعدة مستنية حد يقولي عايزينك في عمل

كشفت الفنانة حورية فرغلي عن عودته للساحة الفنية مرة أخرى من خلال لقائها ببرنامج et بالعربي، مشيرة إلى أنها تنتظر عروض فنية عليها في مصر,

تحيا مصر يرصد في ذلك التقرير تصريحات حورية فرغلي

حورية فرغلي تعود للفن من جديد

وقالت حورية فرغلي: أنا رجعت طبيعية ومعنديش ورم في جسمي وقاعدة مستنية حد يكلمني ويقولي اننا مستنينك في عمل فني.

وتابعت كاشفة عن تفاصيل فيلمها الجديد والتي انتهت من تصويره مؤخرا: بعمل فيلم اسمه ظلال مهجورة، خلصت تصويره في أبو ظبي ونجومه كلهم سوريين ولبنانين وتجربة جديدة اننا اشتغل مع ناس زيهم وهما بيحبونا جدا والشغل معاهم جميل وبيحسسوك قد اي انت مترحب بيك من أكبر واحد لأصغر واحد.

واستكلمت حديثها: رشيد عزاف ممثل جامد وفرحانة اني بشتغل معاه وشخصيتي شريرة شوية وغيورة أوي والناس هيحبوها.

حورية فرغلي وأزمتها الصحية الأخيرة 

وكانت قد مرت حورية فرغلي بأزمة صحية أدت إلى خضوعها لعملية استئصال الرحم، وعلقت عليها، قائلة: أحب أطمنكم أنا رجعت من المستشفى ورجعت البيت وبقيت كويسة الحمدلله وشكرا لكل اللي سألوا عليا، شكرا لـ نجوم الزمن الجميل،صفاء أبو السعود كان نفسي أكون ضيفة في حلقاتك وصفية العمري وأشرف زكي وإلهام شاهين ومحمد رمضان ناس كتير أوي سألت عليه، أنا اتولدت برة وعيشت برة فطول عمري كنت محتاجة للحنان والحنية وده حسيته أخر أسبوع اما جالي ورم في الرحم، وأنا مش هيبقى عندي اي أطفال خلاص بس ولاد اخواتي هما هما ولادي وأي طفل هشوفه هعتبره ابني.

حورية فرغلي توجه نصيحة للفتيات

وكانت حورية فرغلي قد وجهت نصيحة للفتيات فقالت: الجمال مش كل حاجة، الناس أول ما هتشوفك هتقول واو وزي القمر ولما ياخدوا عليكي هيشوفوكي عادية جدا،واللي بيعيش فعلا هو أنك تتجوزي وتجيبي ولاد دي الحاجة اللي أنا ندمانة عليها، ولو رجع بيا الزمن كنت هتجوز عشان هو دا اللي هيعيشلي.