محسن صبري: متربي على الرياضيات في النادي الأهلي وبحس بالفخر أني مثلت مع شادية

كشف الفنان محسن صبري، عن اعتزازه بدوره في فيلم لا تسألني من أنا، وذلك بسبب تعاونه مع الفنانة الراحلة شادية في لقائه في برنامج “من غير نفسنة” الذي تقدمه الفنانة انتصار وبدرية طلبة ونوليا، عبر شاشة قناة “هي”.

تحيا مصر يرصد تصريحات محسن صبري. 

تصريحات محسن صبري

وقال: تخيلي لما يقع من تاريخي كله ويتبقى والناس تفتكرني بـ لا تسألني من أنا، أنا بحس بمنتهى الفخر إني كنت مع شادية في يوم من الأيام بالرغم من أنه كان دور صغير.

وتابع: أنا كان وزني 65 كيلو لغاية ما خلصت لمعهد وكنت بطل جودو، وكنت متربي على الرياضات في النادي الأهلي ونادي الشمس.

زيجات محسن صبري 

وقال محسن صبري: أنا اتجوزت 3 مرات، وناتج أول جوازة بناتي أمنية وحبيبة، أنا اتجوزت في سنة 30 وقعدت 10 سنين متجوز، وكنت محتاج أبقى سينجل، وبعد كده وقعت تاني واتجوزت تاني مرة من ست عظيمة الله يرحمها كانت سويسرية مصرية، ده اللي كان لطيف في الحكاية لأن يبدوا إني عندي أفكار شبه دي، وبعدين قعدت 8 سنين سينجل وبعدين اتجوزت أميرة والحمد لله راضيين بحياتنا جدًا، وهي تونسية ومتفهمة جدًا.

وتابع: أنا بتمنى أن كل بنت تتجوز اللي يصونها ويحافظ عليها، ويعرف هي خرجت من بيت كان بيعاملها إزاي وبالتبعية يعاملها بنفس المعاملة اللي كان بيعاملها بيها أبوها وأمها، أنا فاكر أن بنتي أمنية لما اتقدم لها جوزها كانت الناس بتحذره أني مريض ببناتي، وكانت فعلًا مقابلات عاصفة بيني وبينه في الأول.

محسن صبري في من غير نفسنة

وأضاف: أنا بحب السنجلة أني ببقى شخص مش مسؤول غير عن نفسي، وفيها مميزات لأي بني آدم.

وعن رأيه في تقديم الرجال للبرامج الساخرة، قال: الراجل لو قدم برامج نفسنة هيبقى فاشل، والستات روعة فيها ونفسنتهم تدرس، وفي الأول مبنحسش بنفسنة الستات ولكن بعد كده بنلبس في حيط.

يعد ‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.