ميرا مخايل تكذب تصريحات محمد عطية: انفصالنا مكانش ليه علاقة نهائيًا بالدين

حرصت المطربة ميرا مخايل الرد على تصريحات الفنان محمد عطية، التي أكد فيها أن انفصالهما منذ سنوات كان بسبب اختلاف الدين.

تحيا مصر يرصد تفاصيل رد ميرا مخايل على محمد عطية

رد ميرا مخايل على محمد عطية

وقالت ميرا مخايل في مقطع فيديو لها عبر حسابها الشخصي على موقع التواصل الاجتماعي تيك توك: أنا استغربت من بعد كل السنين دي الموضوع بيتحكي فيه، ودا دليل على محبتكم الكبيرة اللي أنا كتير بقدرها، أنا ومحمد عطية لسه على تواصل ولسه صحاب.

وتابعت: وفيه مودة ومعزة بيننا، ومع مرور الوقت أكيد دا مش هيتغير، بس مش بلوم محمد، لأنه بعد كل السنين دي فيه تفاصيل مهمة ناسيها، انصالنا مكانش ليه علاقة نهائيًا بالدين بل لأسباب أخرى مش هقولها بعد كل الفترة الطويلة اللي مرت.

علاقة محمد عطية بميرا مخايل

وسبق وأن فجر الفنان المصري محمد عطية، عدة تصريحات حول علاقة الحب التي جمعته بالفنانة اللبنانية ميرا مخايل، خلال مشاركتهم في برنامج ستار أكاديمي كاشفًا سبب انفصالهما. 

وقال محمد عطية: كنت بحب ميرا مخايل فعلًا في برنامج ستار أكاديمي، وفضلنا 3 سنين ونص متصاحبين بعد برنامج ستار أكاديمي، وهي دلوقتي متجوزة وهي صديقة رائعة، ومكملناش بسبب اختلاف الدين.

وتابع: أنا معنديش مشكلة في الحاجات دي وعندي اعتقاد شخصي أن الحب بيتزرع في قلب الإنسان من ربنا، والدين فكرته كلها تهذيب البشرية والناس تكون بتحب بعض، لو بتعملي ده إيه المطلوب تاني غير كده؟ وفي الآخر إحنا في حياتنا عايشين علشان نتبسط كل اللي حوالينا ده ديكور.

أخر أعمال ميرا مخايل

ومن الجدير بالذكر أن أخر أعمال ميرا مخايل أغنية إيقاع مجنون، التي طرحتها عبر موقع الفيديوهات العالمي يوتيوب منذ شهرين، وتقول كلماتها: “الدنيا دي ايه غير شو وجلاسيه وعربية كوبيه وضحكة جميلة وردة توليب رقصة مع حبيب وقمر ما يغيب وسهرة طويلة وبلالين الوانها فرح وحياه اجمل بكتير م اللي انا عشت اتمناه ومركب في النيل بيعدي ياخدنا معاه ونحس اننا طايرين وكأننا في الجنة وداليدا تغني تغني حلوة يا بلدي بعيونها الحلوة لما تعدي”.

“وأنا بافلوفا بترقص ترقص على احلى باليه على أجمل شو مزيكا رومانسي الفيردي انغام طعم ولون وايقاع مجنون وعيون مفتوحين على الكون وكأننا عشاق حواديت في كتاب الف ليلة ومعاك او معكش فلوس ما تدقش يا عم ودوس يلا افرح يا عمي وعيش الليلة الليلة الدنيا دي ايه غير مج لاتيه وفستان سواريه مع تكسيدو احمر عناب والقلب شباب واللي حبيبه داب يمسك ايده”.