أورتيجا: أنا أكتر حد لبس من الوكالة.. وعمرو مصطفى بينحت شغله

كشف مطرب المهرجانات أورتيجا عن كثرة شراء ملابسه من منطقة وكالة البلح، وذلك خلال لقاء له ببرنامج سبوت لايت المذاع عبر شاشة تلفزيون قناة صدى البلد.

تحيا مصر يرصد تفاصيل تصريحات اورتيجا في سبوت لايت

وقال أورتيجا: أنا أكتر حد في العالم لبس من الوكالة.. ولغاية دلوقتي ببعت ناس هناك تجبلي حاجات مش موجودة في المحلات.. وأنا ترزي وعندي ماكينة خياطة بعمل بيها هدومي، وأمشي بيهم محدش لابس زيي.

أورتيجا يرد على اتهام عمرو مصطفى لمطربي المهرجانات بالسرقة

وفي الحلقة ذاتها، حرص أورتيجا الرد على الملحن عمرو مصطفى، بعد أن اتهم مطربي المهرجانات بسرقة ألحانه، فقال: احنا ناس دارسين وفاهمين صناعة المزيكا.. حد سرق منك لحن ارفع عليه قضية أو اتكلم عنه، إنما متقولش كل الناس دي نجحت سرقة، ما كلها بتسرق.. حتى أنت بتنحت.

وبسؤاله عن علاقته بمطرب المهرجانات أوكا، قال أورتيجا: علاقتي مع أوكا مستمرة وفيه، تواصل مستمر بينا، رغم عدم وجود أعمال غنائية تجمعنا منذ فترة، ولكن محدش عارف الخير فين، ممكن يجمعنا الشغل مرة تانية.

وأوضح أورتيجا أنه يجهز لعدد من الحفلات المختلفة في العديد من الدول مثل البحرين، الأردن، وأمريكا، خلال الفترة المقبلة، بجانب بعض الحفلات في الساحل الشمالي.

أزمة أورتيجا 

وفي وقت سابق، كشف أورتيجا في مايو الماضي، عن الأزمة التي يمر بها حاليًا ووجود أشخاص يحاربونه لقطع رزقه وتشويه صورته أمام جمهوره.

وتحدث أورتيجا عن تفاصيل أزمته وما يتعرض له من خلال موقع التواصل الاجتماعي فيسبوك وكتب في منشور عبر صفحته الرسمية قائلًا: “يا جدعان هو اللي بيأذي حد في أكل عيشه، وبيحارب علشان يخليني ماشتغلش، وأكونتات بتتسرق مني وناس قاعدة 24 ساعة بتشتم عمال على بطال”.

وأضاف: “نحب نقول إيه للناس دي.. وأنا عرفت كل حاجة علشان ربنا كبير أوي وكل حاجة بتبان، حتى ولو بالصدفة افرح لك يومين علشان مش بتدوم.. واللي جاي والله صدقني بيجيب جلطة.. أنا دايمًا في حالي، ومحدش بيسمع عني حاجة ولا ليا في النوش”.