مش هسيب حقي وفلوسي يا حرامي.. برلنتي عامر زوجة سعد الصغير تثير الجدل برسالة لمجهول

أثارت برلنتي عامر زوجة المطرب الشعبي سعد الصغير جدل واسع خلال الساعات الماضية بعدما وجهت رسالة لمجهول لم تكشف عن هويته، وهو ما أحدث ضجة عارمة.

تحيا مصر يرصد رسالة برلنتي عامر لمجهول.

رسالة زوجة سعد الصغير لمجهول

وكتبت برلنتي عامر عبر حسابها الرسمي بموقع التواصل الاجتماعي فيسبوك: أقسم بالله ما هسيب حقي وفلوسي يا حرامي.

هجوم زوجة سعد الصغير عليه

من جانبه، كانت قالت الراقصة برلنتي عامر زوجة المطرب الشعبي سعد الصغير: «مدمرلي حياتي ورجعت له علشان النصيب، هو حنين جدًا بس مشكلته في عصبيته وأي حد ممكن يتعصب وكلنا بنتعصب، والراقصة شمس حذرتني من سعد الصغير بس ممكن تكون غيرانة خاصة إنهم كانوا علي علاقة ببعض لفترة طويلة، انا اللي مسيطرة علي سعد الصغير  وأنا مليش علاقة بمواضيعه القديمة ولا الراقصة شمس وهو مبيعملش حاجة لما يجي يصالحني إلا بوكيه الورد».

تصريحات زوجة سعد الصغير 

هذا وقالت برلنتي عامر خلال لقائها مع برنامج “قعدة ستات”، الذي تقدمه الإعلامية مروة صبري على شاشة “القاهرة اليوم”: "أكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة  معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك".

وتابعت: "والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه".

ونفت أنها انفصلت عن  زوجها سعد الصغير، وقالت: "متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني".