ماندو العدل ينتهي من تأدية مناسك العمرة بعد العرض الخاص لفيلمه ع الزيرو

انتهى المخرج ماندو العدل من تأدية مناسك العمرة، حيث شارك جمهوره بموقع التواصل الاجتماعي فيسبوك صورة بملابس الإحرام، وذلك بعد حضوره العرض الخاص لفيلمه الجديد ع الزيرو.

تحيا مصر يرصد تأدية ماندو العدل لمناسك العمرة.

تأدية ماندو العدل لمناسك العمرة

وعلق ماندو العدل على الصورة قائلا: الحمد الله دائما وأبدا اللهم ما تقبل.

من جانبه، قال ماندو العدل عن البدلة: الفيلم دا أنا كنت لسه بتكلم عليه من فترة وكنت بقول أنه لما جالي كنت مستغرب هو ليه جالي، يعني أنا كنت أيامها بعمل نوعية أفلام ونوعية مسلسلات ملهاش علاقة خالص بكوميدي، وأنا بعمله كنت خايف جدا، ومكنتش متأكد أني هعرف أعمل نوع الفيلم الكوميدي، وكنت متوقع أنه هيفشل.

إمكانية تقديم جزء ثاني من فيلم البدلة

وأوضح عن إمكانية تقديم جزء ثانٍ من العمل قال ماندو العدل: من أيامها دي فكرة متاحة، واحنا قافلين الفيلم بشكل يديكي احساس انه ليه جزء تاني إنما لغاية دلوقتي مفيش حاجة على الأرض وكله كلام.

واضاف: محمد هنيدي كان المرشح الأول لدور أكرم حسني، وقعدنا معاه أنا وبهجت قمر لكن بعد كدا محصلش اتفاق بين محمد هنيدي والمنتج، فغيرنا شوية في السيناريو لأنه كان المفروض خاله أكبر منه في السن، وبعدين رشحنا أكرم، وكانت بالنسباله انطلاقته الحقيقية.

وكان كشف المخرج ماندو العدل سبب اختياره الطفل منذر مهران للعب دور ابن النجم محمد رمضان في فيلم "ع الزيرو"، الذي انطلقت عروضه في السينما مؤخرا.

تصريحات ماندو العدل 

وقال ماندو العدل خلال لقائه مع الإعلامية فاطمة مصطفى ببرنامج "الراديو بيضحك" عبر الراديو 9090: "أنا شوفت منذر مهران في مسلسل جزيرة غمام وعجبني، لكن محمد رمضان فكرني به، وقال إنه ظهر في كليب معاه، وإتفرجت على الكليب وحسيت بكيميا بينهم".

وأضاف: "لما إتكلمت معاه أول مرة لقيته لذيذ، وحسيت إنهم بالشبه والشكل والكيميا ينفعوا أب وابنه".

وتابع: "منذر ممثل محترف مش طفل، بيحضر في معاد التصوير، ويعمل الشوت بتاعه، وقاعد ساكت وما تعبنيش".