حمزة نمرة يرد على تشابه لحن أغنية رياح الحياة مع أغنية لمحمود التهامي

حرص المطرب حمزة نمرة الرد على تشابه لحن أغنية رياح الحياة مع لحن أغنية للمطرب محمود التهامي، وذلك من خلال لقاء له ببرنامج ET بالعربي.

تحيا مصر يرصد تفاصيل رد حمزة نمرة على محمود التهامي

وقال حمزة نمرة: طبعا أستاذ محمود التهامي فنان كبير وأستاذي وعلى عيني وراسي، لكن التيمة اللحنية دي هي تيمة معروفة، وطريقة تلحين معينة بسيطة وفيه ألحان كتير معمولة بنفس الطريقة دي فوار جدا يحصل تشابه بين 50 عمل في نفس الكلام، ودا ميمنعش أنه بيقدم حاجة محترمة جدا وبأكد أن الأغنيتين ملهمش علاقة ببعض، لكن السيكوانس هو المتشابه.

كلمات أغنية رياح الحياة

وتقول كلمات أغنية رياح الحياة لـ حمزة نمرة: "تهبي يا رياح الحياة ديماً بما لا أشتهيه واللي السنين مقدماه غير اللي قلت نفسي فيه يلاقي قلبي فين دواه واللي أذاه أقرب ما ليه ده جرح ببعلّم! وصعب تسكن الألام واخرج من اللي فات سليم وصعب لمّا اروح انام ما افضلش اراجع القديم طلع مُكلّف العلام وخدت درس في الصميم ولسه بتعلّم ركز يا قلبي في اللي جاي وألف شكر للي باع ما صانش حتى بوء شاي سلام يا ٣٠٠ وداع واللي لقانا ما يساعوش فخانة الوداع تساع مشاعرنا مش لعبة".

“ما تتشغلش باللي فات خليك يا قلبي في المفيد كبر لأي ذكريات ركز وبس في الجديد لازم نقسّم الخانات بمين قريب ومين بعيد الحسبة مش صعبة فرحت م الساعات ساعات ودقت م الحاجات حاجات وعشت م السنين سنين ونابني م اللي فات فتات وم الحبيب جواب حزين وأسئلة بلا إجابات حيرة ورا حيرة حتى السعادة يوم ويوم حتى المحبة خد وهات وكل كوم وكومي كوم زمن بيرمي إفيهات وزي عادتي اصوم اصوم واسد جوعي ذكريات وافضها سيرة”.

حمزة نمرة: إسكندرية هي اللي عرفتني على نفسي

وسبق وأن كشف المطرب حمزة نمرة عن السبب وراء تقديمه لأغنية تحمل اسم إسكندرية، وذلك خلال لقاء له ببرنامج أجمد 7 الساعة 7 مع المذيعة جيهان عبد الله، عبر محطة راديو نجوم إف إم.

وقال حمزة نمرة: إسكندرية هي اللي عرفتني على نفسي والمزيكا بمنتهى الوضوح، شخصيتي إسكندرانية وأنا إسكندراني بالمحبة والإقامة وبكل حاجة فيا، هي فيها روح غريبة وبحس أنها بلد فنية بالدرجة الأولى وفنانين على مر العصور خرجوا منها، وهي طول عمرها (كوزموبوليتان) يعني بتستوعب كل الناس ولها شخصية خاصة بها، والروح دي ما زالت موجودة.