عيد عبدالملك يرد على أحمد مرتضى منصور: مينفعش تقارن نفسك بأيمن يونس

شن أحمد عيد عبد الملك لاعب الفريق الكروي الأول بنادي الزمالك السابق، هجومًا عنيفًا على أحمد مرتضى منصور عضو مجلس إدارة النادي، بعدما رد على أيمن يونس نجم الفريق السابق. 

أحمد عيد عبد الملك يهاجم أحمد مرتضى منصور 

وكتب أحمد عيد عبد الملك عبر حسابه الرسمي على تويتر ردًا على أحمد مرتضى منصور: البطولات : وقف القيد .. فشل في تجديد عقود نجوم الفريق ..
بيع نجوم الفريق .. بيع اهم لاعب في مركزه بدون نسبة اعادة بيع ورجوعه علي المنافس .. ١٠ سنين مخدتش دوري ابطال الي كابتن ايمن معاه منه ٣ .. وابوك الي بيخوض في اعراض الناس واللاعيبة الي في النادي». 

وأضاف عيد عبد الملك: فرع ٦ اكتوبر الي روحت اتصورت جنب الونش وجيت ..  النادي الي بقي ١٠٠ الف عضوية ومحدش بيعرف يقعد فيه ..
ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات». 

واتم عبد الملك: هو انت عمرك اخدت قرار او اي حد معاك يقدر ياخد قرار انتو صورة بس .. ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان». 

مشادة على تويتر بين أحمد مرتضى و أيمن يونس لاعب الزمالك السابق 

نشبت مشادة كلامية عنيفة بين أيمن يونس لاعب الزمالك السابق، وأحمد مرتضى منصور عضو مجلس إدارة النادي، والسبب هو رغبة الأول في استقالة باقي أعضاء مجلس الإدارة بسبب ما يدور داخل النادي من أزمات ومشاكل أدت لحدوث هزة في نتائج جميع فرق النادي، في جميع الألعاب المختلفة.

وكتب أيمن يونس، تويتة عبر حسابه الرسمي على موقع “ تويتر”: “ السادة أعضاء المجلس المتبقيين، إذا كان لديكم ذرة حب متبقية جوة قلوبكم تجاه نادي الزمالك، فاستقيلوا حتى تتذكر لكم موقف جيد، وكفاية بجد”.

وأضاف: “ أما عن شيكابالا المخلص ابن نادينا، جينات دم، روح، فأنا أشهد لك أنك في كل مواقفك، كنت عاشق للزمالك وجمهوره بدون مزايدات”.

ورد عليه، أحمد مرتضى، وقال: “ أستقيل ليه؟ يا كابتن أنا واخد بطولات أكتر من حضرتك 10 مرات، سواء عندما كنت لاعب أو إداري، هل منطقي لو فيه أي اخفاق في موسم واحد أستقيل”.

وأضاف: “ للأسف الكلام بيكون قدام الناس، وكلام في الغرف المغلقة كلام تاني”.

وأتم: “ كابتن أيمن عندنا شغل أكتر من الكلام، لو حابب تساعد تشرف دا نادينا كلنا.. ولحضرتك كل الاحترام”.