كنت هطلبله البوليس.. تعليق مفيدة شيحة على واقعة مندوب الشحن

تحدثت الإعلامية مفيدة شيحة، عن واقعة مندوب الشحن، التي ضجت مواقع التواصل الاجتماعي لها وأثارت جدل واسع.

تحيا مصر يرصد تعليق مفيدة شيحة على واقعة مندوب الشحن. 

تعليق مفيدة شيحة على واقعة مندوب الشحن

وقالت مفيدة شيحة في برنامجها الستات، الذي تقدمه مع الإعلامية سهير جودة عبر قناة النهار: الحاجة اللي مخليه مصر كلها على فيسبوك موضوع الدليفري والولد اللي كلم الست على الفستان السواريه اللي هو شايفه أوفر، ومينفعش أنه يديه ليها لأنه على حسب ما هو قال هيخليه يرتكب ذنب، وكلم صاحبة الفستان اللي كتبت البوست وقد إيه هي فخورة بالشاب الجميل أنه اخترق الخصوصية، وأن في عنصر مهم جدًا في أركان الإسلام ولا تجسسوا، وهو عمل مصيبة أنه تجسس على شيء مش بتاعه.

مفيدة شيحة في برنامجها الستات

وتابعت: هي تفاخرت به كشيء جيد للشخص المؤمن القوي التقي، وأنه سألها هتلبس الفستان فين وقالتله في البيت، معنى كده إنها بتلبس سواريه لجوزها، ولكن هي منسيتش تستأذن جوزها قبل ما تكتب البوست ده؟.

تصريحات مفيدة شيحة 

وأضافت مفيدة شيحة: أنا لو مندوب كلمني سألني هتلبسي اللبس ده فين أنا هقوله أي شيء علشان أشوفه قدامي، وبعد ما يجي أعتقد إني كنت هديله قلمين أو هبلغ عنه البوليس أن هو عمل أي شيء مخالف للقانون لأنه مش من حقه يفتح حاجة جيالي، وهقول مين إدالك الحق يا خفة تفتح حاجة مش بتاعتك، هو متخلف عقليًا لدرجة أنه لما يوصل فستان سواريه هيدخل النار، وناسي فكرة أنه لما يفتح حاجة مش بتاعته ويتجسس على شيء مش بتاعه هو برضو حرام.

واختتمت موجهه رسالة لمندوب الشحن، قائلة: أنت ولد عندك 19 سنة أحمق، محتاج إعادة تظبيط دماغك، لأن أنت عندك مشكلة كبيرة جدًا.

من جانبه، قالت مفيدة شيحة مقدمة برنامج الستات المذاع عبر قناة النهار :" اشتري اللي انت محتاجه مش اللي يعجبك، و هناك براندات تقدم ملابس يمكن لها إعادة تصنيع، وهناك ملابس صديقة للبيئة وتقلل الاستخدام، ولا نشتري ملابس كتيرة من أجل الحفاظ على البيئة".

وأضافت مفيدة شيحة، أن :"انا اسهل واحدة اتخلص من الأشياء، ومعنديش عزيز في الملابس والأحذية وغيرها ، ومشاعري لا ترتبط بالأشياء والأماكن".

كشفت الإعلامية مفيدة شيحة، حقيقة الصور المتداولة عبر مواقع التواصل الاجتماعي السوشيال ميديا لـ انحسار مياه بعض الشواطئ في إيطاليا

وقالت مفيدة شيحة، مقدمة برنامج الستات، المذاع عبر قناة النهار وان، مساء اليوم الثلاثاء، إن هناك انحسار رهيب للماء في إيطاليا، وانتشرت صورا عبر مواقع التواصل الاجتماعي لهذا الأمر، وسبب حالة من الهلع بين البعض.