سارة نخلة: الجواز في سن متأخر صحي والراجل والست ليهم احتياجات جنسية

علقت سارة نخلة عن رفض المجتمع والأبناء لزواج أمهاتهم وآبائهم في سن كبير خلال برنامجها فيس أوف على شاشة قناة هي.

تحيا مصر يرصد تصريحات سارة نخلة.

تصريحات سارة نخلة

وقالت سارة نخلة: الست لما بتبقي عايزة تتجوز دة مش علشان العلاقة الجنسية علشان الونس وتحس أن في حد قاعد بيتنفس معاها في نفس البيت عايزة تحس بالأمان أن لو حصل ليها حاجة ممكن حد ينقذها.

تعليق سارة نخلة على الزواج في سن متاخر

وأضافت: "في ناس لو آبائهم صمموا على الجواز اول حاجة يقولها اتنازلى عن الورث الموضوع مش موضوع احتياجات جنسية مع أن الراجل والست ليهم احتياجات ومن حقهم يتجوزوا.

وتابعت: الستات والرجالة لما بيكبروا بيجيلهم زهايمر لأن مفيش حد بيتكلم معاهم اقعدوا مع بعض راجعوا الذكريات وفعلا الجواز في سن متأخر صحي لأن أحيانا في أهالى مش بيوافقوا يقعدوا مع أولادهم المتجوزين الحكاية مش حكاية ورث.

مواعيد برنامج Face off

جدير بالذكر  أن برنامج "FACE OFF" تقدمه سارة نخلة على شاشة قناة هي يوميًا من السبت إلى الأثنين وتستضيف من خلاله عددا من نجوم الفن، وتناقش القضايا المطروحة

على الصعيد الآخر، كانت قالت سارة نخلة خلال برنامجها فيس أوف على شاشة قناة هي: "في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية"

وتابعت: القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل".