11 أغسطس.. رضا البحراوي يشعل العلمين بحفل غنائي

يحيى المطرب الشعبى رضا البحراوى، حفلًا غنائياً  بمهرجان العلمين في دروته الأولى، وذلك يوم 11 أغسطس الجارى ومن المتوقع أن يحقق نجاح واسع.

تحيا مصر يرصد تفاصيل حفل رضا البحراوي.

تصريحات رضا البحراوي 

على الصعيد الآخر، قال رضا البحراوي خلال برنامج صاحبة السعادة: حاسس بحب الناس وده بفضل دعاء والدتي ووالدتي

وتابع: غاويت الغناء من وأنا 8 سنين في طنطا أنا من طنطا منطقة شعبية كنت بغني في الحنن والشوارع، وكانوا بيوقفوني يقولوا صوتك حلو لحد ما قابلني علي عبد الستار المخرج والمنتج بتاعي وخدني، وأول شريط ليا مخدتش فلوس فيه أنا كان همي الشهرة بس وأول فرح بعد مانزل الناس شالوني فأبويا عيط.

رضا البحراوي في صاحبة السعادة

وأضاف: أنا اشتغلت كل حاجة وأنا صغير بـ 10 و15 جنيه لأن والدي ووالدتي على قدهم ومكنش بشرب حاجة، وكان عندنا عربية مكروباص اشتغلت عليها كومسري ومكنتش بتارجيت الفن.

واستطرد: أما سبت البيت وروحت أغني والدي كان بيجي معايا دايما لحد ما تعبت ووالدي وهو على السرير قالي ربنا يرزقك عشان انت حنين على أهلك، ووالدتي بعدها تبعت تعب نفس تعب والدي وربنا يشفيها لأنها حياتي كلها، ووالدتي مرتبطة بطنطا وأما أقولها تعالي القاهرة انا مبعرفش امشي خطوة الا بيها واي حاجة تطلبها لازم أعملها.

وكان كتب رضا البحراوي: أول حاجة ربنا كبير أوى.. تاني حاجة أوجه الشكر لكل جمهوري اللي وقف معايا في كل النجاح.

وتابع رضا البحراوي: يا رب ابعد عني الناس المريضة والناس الصفرا اللي مش بيحبوا الخير ليا، سبوني بقى في حالي عشان أنا والله والله تعبت في الشغلانة دى أوى خليكوا في حالكوا وسيبوا الملك للمالك وشيل عينك عني.