كريم قاسم: طارق العريان قالي هتتبهدل في ولاد رزق 3.. وبقالي سنة بروح الجيم عشان الدور

كشف الفنان كريم قاسم عن تفاصيل تحضيراته للجزء الثالث من فيلم ولاد رزق، مشيرًا إلى أنه يتردد على الجيم منذ عام بسبب دوره في العمل، وذلك من خلال لقاء له ببرنامج et بالعربي.

تحيا مصر يرصد تفاصيل تصريحات كريم قاسم عن فيلم ولاد رزق 3

تصريحات كريم قاسم عن فيلم ولاد رزق 3

وقال كريم قاسم: أنا متحمس جدا وبقالي سنة بروح الجيم وبلعب رياضات عشان متحمس جدا للتجربة والواحد يكون مستعد للمشاهد.. وأنا لسه مقرأتش السيناريو بس أستاذ طارق العريان بيحكيلي وهو مش مطمني خالص، وأتمنى يكون فيه تغيير.

وتابع: طارق العريان قالي أني هتبهدل وأنا بستعد لكل الظروف وهو من أحلى 3 مخرجين اشتغلت معاهم شخص سلس بيسمع، وبيخلق مناخ إيجابي لكل الناس أنها تشتغل وعنده ثقة في نفسه ومفيش حاجة تقدر تهزه.

تفاصيل تصريحات كريم قاسم في برنامج أسرار النجوم

وسبق وأن أوضح الفنان كريم قاسم أنه ينفق كثيرًا على مهنته كممثل، مشيرًا إلى أنه توجد سنوات لم يحصد فيها أي أموال وخصوصا أثناء جائحة كورونا، حيث ظل لمدة 15 شهر لم يعمل بسبب تأثر صحته في ذلك الوقت بإصابته بفيروس كورونا المستجد.

وقال كريم قاسم في حواره اليوم ببرنامج "أسرار النجوم" مع المذيعة إنجي علي على محطة راديو نجوم إف إم: "الواحد بيصرف على الشغلانة كتير أوي، أنا بقالي 15 سنة شغال وفيه سنين مكسبتش جنيه، وخصوصا سنة جائحة كورونا فضلت 15 شهر مش بشتغل، ومكنتش بحب النزول في الوقت دا، وقولت صحتي أهم، وكان دا باختياري طبعا، وخصوصا أني أصبت بكورونا وتعبت جدا فقررت عدم المخاطرة مرة تاني".

كريم قاسم: بعتبر نفسي في بداية الطريق الفني

ومن ناحية أخرى تحدث كريم قاسم في الحلقة عن مشواره الفني من البداية، حيث قال لـ برنامج "أسرار النجوم": "بعتبر نفسي في بداية الطريق الفني، ولسه قدامي خبرات كتيرة، رغم شغلي في المجال من 15 سنة، وأنا اتقالي من زمان بعد (أوقات فراغ) وكان عندي 19 سنة، المنتجين قالوا لي (انتشر يا كريم)، واتعرض عليا أفلام كتيرة ، ولكن وقفت مع نفسي وقولت ليه هحرق نفسي بدري بدري، ودا حصل مع نجوم كتيرة، وأنا نفسي أمثل لحد ما أوصل لسن الأستاذ حسين فهمي".