سحر رامي: بكلم حسين الإمام ولما ولادي بيدخلوا عليا بيفتكروني مجنونة

أدلت الفنانة  المصرية سحر رامي
عدة تصريحات حول زوجها الفنان الراحل حسين الإمام وذلك خلال لقائها ببرنامج "المنسي" المذاع علي قناة "هي".

تحيا مصر يرصد تصريحات سحر رامي. 

تصريحات سحر رامي

وقالت سحر رامي: "زوجي الفنان الراحل حسين الإمام وحشني أوي ونفسي يكون موجود معايا، غيابه مأثر فيا جدا".

وتابعت: "ساعات ولادي بيدخلوا عليا بيفتكروني مجنونة علشان بكلم حسين الإمام".

افتقاد سحر رامي لزوجها حسين الإمام

وأضافت سحر رامي: "طول الوقت بكلم حسين الإمام وباخد رأيه في كل حاجة وكإنه عايش معايا، كان ما بينا تواصل ما بينا غريب ومحدش بيفهمني غيره ".

سحر رامي ضيفة برنامج مساء dmc

وكانت حلت سحر رامي ضيفة على برنامج مساء دي إم سي التي تقدمه الإعلامية إيمان الحصري ويعرض عبر قناة دي إم سي وقالت سحر باكية: لما بفتكره مبيجيش على بالي أي حاجة وحشه، يمكن مكنش فيه، أكيد كان في لحظات بنتعصب، بس دايما بفتكر الحلو.

وروت سحر رامي كيف تعرفت على حسين الإمام وقالت: حسين اتعرف عليا في إعلان "الشراشيب" هو كان بيقوم بالتعليق الصوتي على بعض الإعلانات وأول إعلان عملته كان عن السجاد وكان بصوته، ونجح نجاح كبير.

وأضافت: حسين الإمام شاف الإعلان في التليفزيون وقال أنا هتجوز "البت دي"، وبعدها كنت بقدم مسرحية وجيه هو ووالده المخرج الكبير حسن الإمام واتقابلنا هناك وسلم عليا، بعدها قدمت الفوازير مع سمير غانم وجالي في الكواليس وسألني أن كنت فاكراه وحكالي على فرقة "طيبة" وأنا مكنتش عارفاها بس قولت له أني عرفاها وطلب مني أني اشتغل معاهم وأخد تليفوني وتقاربنا بس مشتغلتش معاه، كنت ماضية عقد وفضلت طول السنين أقوله مش هتنفذه؟

كما كشفت الفنانة سحر رامي أنها تعرضت للهجوم بعد تقديمها برنامج فوازير، وقالت: عملت فوازير بعد الفنانة القديرة نيللى ولكن لقيت هجوم كبير عليا، وكانت لسه فى أول بداية مشوارى الفنى، و من بعد الهجوم الكبير اللي حصل متعرضش عليا أي فوازير تاني