بيومي فؤاد: المنتجين في مصر بيقولولي أرفع أجرك.. وأسير على خطا حسن حسني دون قصد

أكد الفنان بيومي فؤاد على أنه شخص اجتماعي على عكس ما يتوقعه الناس، وذلك خلال لقاء له ببرنامج ET بالعربي.

تحيا مصر يرصد تفاصيل تصريحات بيومي فؤاد ببرنامج ET بالعربي

تصريحات بيومي فؤاد ببرنامج ET بالعربي

وقال بيومي فؤاد: فيه ناس كتير بتفتكر أني مش اجتماعي أو أنا مش حابب اتعرف على الناس وأنا بالعكس، ممكن اشتغل مع ممثل فيلم واتنين وتلاتة ونبقى صحاب جدا بس أنا معرفش تليفونه، ومطلبوش لأني بخجل أعمل حاجة زي كدا.

وتابع: التمثيل بيكسر الخجل قدام الكاميرا وقدام الجمهور في المسرح، احيانا لما حد بيضغط عليا ممكن اروح لعمل وأنا مش فاضي أو وأنا تعبان من خجلي.

بيومي فؤاد: أنا وصلت المنتجين في مصر يقولولي علي أجرك

وعن أجره قال بيومي فؤاد: أنا وصلت المنتجين في مصر يقولولي علي أجرك، صعبت عليهم، وناس كتير بتستغرب من أرقامي، وأنا مش بحب الفلوس تبوظ الحاجات الحلوة.

واضاف: أنا بحب الشغل أوي، وساعات يجيلي مشهد حلو في مسلسل فاعمله وهنا ملهاش علاقة بإحراج، وأسير على خطا حسن حسني من غير قصد.

تصريحات بيومي فؤاد في برنامج أسرار النجوم

وسبق وأن كشف الفنان بيومي فؤاد عن السبب وراء قلة ظهوره في البرامج التلفزيونية، وذلك خلال لقاء له ببرنامج أسرار النجوم، الذي تقدمه الإعلامية إنجي علي، ويذاع عبر محطة راديو نجوم إف إم.

وقال بيومي فؤاد: أنا خجول جدا، وبردو صريح وده بيزعل الناس مبعرفش أمسك العصاية من النص، ومش بعرف أقول كلمة أنا مالي لأنها تدعو للسلبية، عشان كده أفضل عدم الظهور إعلاميًا، وطول ما أنا عارف إجابة السؤال مش بعرف أجمل كلامي، فأنا صريح واللي في قلبي بقوله علطول وده ساعات بيزعل، وأنا شخص كاره للنكد والزعل وأعرف أبسط نفسي بأقل الإمكانيات.

تصريحات بيومي فؤاد عن فيلم وقفة رجالة

وعلى صعيد آخر، أكد الفنان بيومي فؤاد على تعرض فيلم وقفة رجالة للظلم بسبب ضعف الدعايا وأمور أخرى، وذلك خلال حواره ببرنامج عرب وود المذاع على شاشة تلفزيون قناة روتانا.

وقال بيومي فؤاد: السينما احيانا كتير حاجات تظلمها برا الموجود في الفيلم، الفيلم نزل في وقت وحش، الدعاية بتاعت الفيلم كانت ضعيفة أوي، وفي وقفة رجالة أنا عملت فضايح واتخانقت مع شركة الإنتاج، وكان عزائي أني مش بطلب حاجة ليا، أنا بطلب للفيلم، لو الفيلم جايب 60 مليون، لو اهتميتوا بالدعاية هيجيب 120 مليون.