حمزة نمرة عن أغنيته الجديدة إسكندرية: هدية مني للإسكندرانية

كشف المطرب حمزة نمرة عن السبب وراء تقديمه لأغنية تحمل اسم إسكندرية، وذلك خلال لقاء له ببرنامج أجمد 7 الساعة 7 مع المذيعة جيهان عبد الله، عبر محطة راديو نجوم إف إم.

تحيا مصر يرصد تفاصيل تصريحات حمزة نمرة في أجمد 7

حمزة نمرة: إسكندرية هي اللي عرفتني على نفسي

وقال حمزة نمرة: إسكندرية هي اللي عرفتني على نفسي والمزيكا بمنتهى الوضوح، شخصيتي إسكندرانية وأنا إسكندراني بالمحبة والإقامة وبكل حاجة فيا، هي فيها روح غريبة وبحس أنها بلد فنية بالدرجة الأولى وفنانين على مر العصور خرجوا منها، وهي طول عمرها (كوزموبوليتان) يعني بتستوعب كل الناس ولها شخصية خاصة بها، والروح دي ما زالت موجودة.

وتابع: لما بقدم حفلات على مستوى العالم في أمريكا أو أوروبا ويحضر عدد كبير من المصريين ونغني (بلدي يا بلدي) فيها حتة بتتكلم عن إسكندرية، وبلاقي كل الجمهور بيتفاعل معها وكأنهم كلهم من إسكندرية، وعشان كدا قولت لازم أعمل أغنية محبة في إسكندرية، وهي لحني وتوزع فنان يوناني، وهي هدية مني للإسكندرانية، وهي اتطرحت في يوم العيد الوطني للإسكندرية وهي صدفة بحتة تماما وحلوة جدا.

تفاصيل أغنية إسكندرية

وجاءت أغنية إسكندرية من كلمات محمود فاروق - محمد السيد، ألحان: حمزة نَمِرة - أندريه مينا، وتقول كلمات الأغنية: طب والمرسي أبو العباس إنتي حبيبة كل الناس بحرك لولي ورملك ماس عمار يا اسكندرية.. لو هتكلم في التفاصيل للصبحية هقول مواويل بحري وقبلي وصبح وليل بموت في اسكندرية.. نسمة هوا ساعة عصرية وكوزين الدرة والتمشية م المعمورة للمنشية يا مساء الجمال.. م الكورنيش ولحد القلعة نتعشى ونتمشى ووالعة من سحرها بتحس بمتعة ولا خطرت في بال".

“طول الليل صاحية ما بتنامشي باجي مببقاش عايز امشي وسنين تيجي وسنين تمشي وهى لسه شباب طب والمرسي ابو العباس وشوارع بتحب الناس سايبة علامة فى قلوب يامه ده مين جالها ونساها صوتها فى مزيكة درويش واغانى الناس و الحرافيش وسط اللمة و ايوه لما تسيب روحك معاها المندرة ولوران و ستانلى".