لقوا الجثة عايمة وكان مُصر يروح الساحل.. عفاف شعيب تكشف تفاصيل وفاة نجل حسن يوسف

كشفت الفنانة عفاف شعيب عن تفاصيل وفاة عبد الله نجل الفنان حسن يوسف، مشيرة إلى أنه كان قرر أن يتزوج قبل 3 أيام من وفاته.

تحيا مصر يرصد تفاصيل تصريحات عفاف شعيب عن نجل حسن يوسف

عفاف شعيب: نجل حسن يوسف كان من نوع الشباب الهادي المؤدب المحترم

وقالت عفاف شعيب في مداخلة هاتفية لها ببرنامج كلمة أخيرة: الله يصبر قلوبهم، لما الأب والأم بيفقدوا ولدهم أو بنتهم بتبقى الحالة صعبة أوي، ربنا ما يوري حد لا عدو ولا حبيب، عبد الله كان بيعوم كويس، وهو كان من نوع الشباب الهادي المؤدب المحترم، وأنا مشوفتوش غير مرتين تلاتة من مدة طويلة.

وتابعت: وشمس بتقولي أنا مكنتش عايزة أروح الساحل السنادي وهو اللي قالي لا لازم نروح، فقالتلته لا مليش مزاج يا عبد الله قالها أنا عايز أروح.

عفاف شعيب: الساعة 3 ونص الصبح لقوا الجثة عايمة على البحر

واستكملت: هو نزل الساعة 12 الضهر وغاب فترة طويلة عمرها ما حصلت، قعدوا يدوروا عليه، وبلغوا البوليس عشان يشوفوا هو راح فين، والساعة 3 ونص الصبح لقوا الجثة عايمة على البحر.

واضافت: واليوم دا الموج كان عالي وكانوا محذرين محدش ينزل المية، وشمس البارودي قوية في الحقيقة ومؤمنة لكن الموقف صعب، وحسن بيقول عبد الله مات دا سندي وهو اللي كان قاعد معايا وحنون وطيب وعمره ما أخري طلب ولا كلمة.

واختتمت: شمس البارودي كانت بتوضبله الشقة عشان يتجوز ومن 3 أيام قبل الحادثة قالها يا ماما خلاص أنا قررت أتجوز وأنتي اللي تختاريلي العروسة، هو كان رافض الجواز.

أبرز الحاضرين لجنازة نجل حسن يوسف

وحرص عدد كبير من نجوم الفن على حضور جنازة نجل الفنان حسن يوسف والفنانة شمس البارودي، والذي توفى في مساء يوم السبت غرقا بسبب إصابته بمياه زائدة على الرئة.

وكان من أبرز الحاضرين لجنازة نجل حسن يوسف وشمس البارودي كلا من النجوم ميرفت أمين ومحمد فؤاد وصفاء أبو السعود، وبوسي شلبي، وأشرف زكي، والفنانة عفاف شعيب والفنان محمد لطفي، والفنان أيمن عزب.

فضلا عن ظهور الفنانة شمس البارودي والفنان حسن يوسف في حالة انهيار شديدة حزنا على نجلهم الأصغر.