أسامة قابيل: من يقارن حياته بالناس يعيش خايف.. والابتلاء خير من الله

قال الدكتورأسامة قابيل، من علماء الأزهر الشريف، إن الابتلاء الذى يحدث للإنسان فى حياته هو خير من عند الله سبحانه وتعالى، مستشهدا بالآية الكريمة: "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ".

أسامة قابيل: من يقارن حياته بالناس يعيش خايف.. والابتلاء خير من الله

وتابع العالم الأزهري، خلال حواره مع الإعلامية "إيمان رياض"، ببرنامج "من القلب للقلب"، المذاع على فضائية "mbc masr2"، اليوم الاثنين: "ربنا سرد الحاجات دي كلها عشان يعلمنا إن قد تكون الأشياء دي بتسبب لك قلق وخوف وتوتر، طب اتصرف يا ربي معها ازاي؟’ قال وبشر الصابرين، يا كل قلقان يا كل خايف يا كل متوتر يا كل اللي نفسه يتجرع من كأس الطمأنينة والسكينة، اشرب الصبر، وقل يا رب اجعلني من الصابرين اجعلني من الذين قلت فيهم وبشر الصابرين، الذين إذا أصابتهم مصيبة، أول ما البلوى والمصيبة يستقبلها بأدب مع الله".

أسامة قابيل: اللي بيقارن حياته بالناس عمره ما هيكون في سكينة

واستكمل: "اللى بيقارن حياته بالناس عمره ما هيكون فى سكينة أو طمأنينة، وتقول هو فلان عنده بيت حلو ليه؟، هو فلان لابس كده منين؟، هو فلان راكب عربية عاملة ازاي؟، هو ليه الناس بتحبه؟، لازم لو عاوز تعيش فى طمأنينة وسكينة بلاش تقارن ربنا سبحانه وتعالى قال: (أَمْ عِنْدَهُمْ خَزَائِنُ رَبِّكَ أَمْ هُمُ الْمُسَيْطِرُونَ)، شوف  ده ملك ربنا وخزائن الله هو سبحانه يوزعها كيفما يشاء".