الخامس على الجمهورية أدبي لـ تحيا مصر: بابا قالي هتطلع من العشرة الأوائل ونفسي ادخل مجال الفن والأدب
ADVERTISEMENT
التقى موقع تحيا مصر الطالب عز الخامس على الثانوية العامة على مستوى الجمهورية، الشعبة الأدبية وذلك من منزله.
وقال عز خلال بث مباشر لموقع تحيا مصر: "ترتيبي الخامس والخبر جالي من الفيس بوك من اصحابي والمدرسين وانا فرحان ومكنش فيه حد متوقع ده".
وتابع: "كانت سنة طويلة وبحاول محسبس لنفسي الساعات بس كنت عامل جدول علشان متعبش في الآخر".
وأردف "فرحت جدا لما رجعت على المكالمات اللي بتباركلي.. وانا كنت بذاكر لحد الساعة 8 أو 9 بليل".
وعن هوايته: "بحب الفن والأدب واتمنى يكون ليا طريق من دول.. خاصة بعد سنة عانيت فيها من الملل والزهق لكن كنت بحاول احفز نفسي والحمد لله حلمي اتحقق".
وتابع: "اتمنى يكون ليا طريف في مجال الفن والسينما لأنها هواية بالنسبة ليا".
من جانبها قالت والدة عز: "فرحت جدا وكنت عارفة أنه اجتهد لكن مكنتش متوقعة أنه يطلع من الاوائل".
«ابني كان راجل ومكنش بيهزر»
وتابعت: "ابني كان راجل ومكنش بيهزر.. كان بيذاكر أول بأول ومش بياخر حاجه.. ورغم كده مكنش مشيلنا الهم وأنا بقوله ربنا يوفقك في اللي جاي".
وتابعت: "كان دائما وهو. راجع من الامتحان يقول الحمد لله ويقول عملت اللي عليا وربنا هيعوضني".
بدوره قال والد عز: "انا كنت متوقع أنه يطلع من الاوائل وقولتله انت هتطلع من العشرة الأوائل".
وأردف: "انا أستاذ جامعي في مجال التربية الفنية وهو متأثر بيا، لكن كنت بتمنى له حاجه لها أفق أوسع مثل اقتصاد وعلوم سياسية".
وأردف: "كنت بتكلم معاه ازاي يفكر ويكون عنده رؤية مش مجرد حفظ وتلقين، بل يتدبر ويكون عنده شخصيه في التعامل مع المادة العلمية".
جوجل نيوز
تطبيق نبض
