بعد شائعة اختفائها.. ميرنا هشام: بمر بفترة صعبة في حياتي.. واتخضيت من الخبر

تحدثت الفنانة ميرنا هشام، عن تفاصيل انتشار شائعة وفاتها واختفائها في الفترة الأخيرة، وذلك خلال لقاء لها ببرنامج كلام الناس مع المذيعة ياسمين عز.

تحيا مصر يرصد تفاصيل تصريحات ميرنا هشام في كلام الناس

تصريحات ميرنا هشام في كلام الناس

وقالت ميرنا هشام: أنا مختفية بقالي شوية بس دا فعلا زي أي إنسانة طبيعية بمر بفترة صعبة في حياتي أو مكتئبة وبرجع تاني أحسن، واختفيت عن السوشيال ميديا شهر وشوية، وفجأة لقيت الخبر دا، وهو مش طالع من عندي، وأنا معرفش مين السبب.

وتابعت: والأخبار مكانتش منطقية، وبقالي فترة كل شوية بتعب، وصحيا مش أحسن حاجة، وقفلت التلفون، واتخضيت من الخبر لأنه خبر مش سهل، والموضوع مكانش فيه فرعون ولا حاجة.

والدة ميرنا هشام: بنتي كانت محتاجة راحة نفسية واتصدمنا بالاخبار المنتشرة عن انتحارها

وسبق وأن خرجت والدة المطربة ميرنا هشام نجمة برنامج أرب أيدول، لأول مرة لترد على شائعة اختفاءها ومحاولتها للانتحار، وذلك بعدما انتشر هذا النبأ بشكل سريع وحدث ضجة عريمة على مواقع التواصل الإجتماعي المختلفة.

وقالت والدة ميرنا هشام خلال لقائها بـ موقع تحيا مصر: اتصدمنا من الاخبار المنتشرة على جوجل، هي كانت قاعدة في القاهرة وكنا عمالين نقول اي اللي بيحصل ده، وأما قرأت نزلت حسبي الله ونعم الوكيل ومتوقعتش انه هيعمل الضجة الكبيرة دي، انتحار اي يجماعة ميرنا مش حد كدة خالص، دي بقلب طيب وبشوشة وعسل وبتصلي ومبتقطعش فرض، وميرنا مختفية بقالها اسبوع على السوشيال ميديا، بتاخد راحة نفسية.

وعن حقيقة مرضها، قالت والدة ميرنا هشام: كانت تعبانة في الفترة الاخيرة بسبب الظروف والحياة وفيه ناس طلعت قالت ماتت، والموضوع أثر في نفسيتها بعد ما قرأنا، أنا سافرت على طول جبتها وجيت وكنت بكلمها طول الطريق وخدنا الموضوع بهزار، وهي مكنتش مهتمية ودي عادتها عادي.

ميرنا هشام: عايزة أطمنكم أنا كويسة ومنتحرتش

كما خرجت ميرنا هشام، نجمة أرب أيدول لـ ترد على جدل اختفائها ولجوئها للانتحار لأول مرة، وذلك بعدما قام عدد كبير من أصدقائها بـ مشاركة منشورات تفيد بعدم استطاعتهم الوصول لها.

وقالت ميرنا هشام في فيديو نشرته عبر حسابها الرسمي بموقع تبادل الصور الفيديوهات انستجرام: أنا عايزة أطمنكو أنا كويسة، وإني منتحرتش وأي حد فعلا عارفني عمره في حياته ما هيتخيل إني أعمل حاجة زي كده، لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيًا، وتعبي النفسي أثر عليا جسديًا جدًا زي أي حد ممكن يحصله حاجة زي كده.