ياسمين عز: المتجوزين أخدوا كتير.. وهقولك مميزات أنك تكوني متجوزة

كشفت المذيعة ياسمين عز عن مميزات السيدة المتزوجة من وجهة نظرها، وذلك خلال حلقة اليوم من برنامج كلام الناس على إم بي سي مصر.

تحيا مصر يرصد تفاصيل تصريحات ياسمين عز

تصريحات ياسمين عز اليوم

وقالت ياسمين عز: المتجوزين خدوا حاجات كتير أوي، وأنا هقولك ايه مميزات تكوني متجوزة، لو انتي متجوزة وبتكلمي صاحبتك في التليفون هتقوليلها اقفلي بسرعة عشان فرعوني حبيبي وصل البيت وتقفلي، لكن لو مش متجوزة هتقوليلها اقفلي عشان ماما بتنده عليا عشان أروح أشطب المطبخ واغسل المواعين.

وتابعت: لو متجوزتيش بمزاجك هتفضلي طول عمرك عايشة باسم واحد، يعني مثلا لو اسمك دنيا هتفضلي طول عمرك دنيا عادي بدون أي اضافات، ولكن بعد الجواز هيبقى عندك أسماء كتير، زي حرم أستاذ محمد أو قرينة أستاذ محمد.

ياسمين عز: اللي قال وراء كل رجل عظيم إمرأة مقالش مراته ممكن تكون أخته أو امه

وسبق وان حرصت الإعلامية ياسمين عز على تفسير مقولة “وراء كل رجل عظيم إمرأة” للجمهور وتوضيح معناها الحقيقي لهم، وذلك خلال حلقتها في برنامج “كلام الناس”، المذاع على شاشة قناة mbc مصر.

قالت ياسمين عز خلال برنامجها: الحكيم أو العالم اللي قال وراء كل رجل عظيم إمرأة مقالش مراته ولا زوجته لو كان يقصد مراته كان قال اي اللي يخوفه، والعلماء اللي فسروا المقولة قالو أمه وأخته لكن زوجته ومراته  ديمدرسناش في المنهج، المثل ده بعيد خالص عن زوجته .

وتابعت: في اجماع من علماء التخصص في تفاصيل الشخصية الرجولية خاطئة وإن أصلها وراء كل رجل عظيم نفسه.. ولو عايزة تزودي حطي ايده وكتفه ورجله ايده اللي بتنحط في الصخر عشان يأكلك، وكتفه اللي شايل الهموم والزن والغم، ورجله اللي رايحة جاية على الشغل، وزودي مخه اللي هينفجر من كتر التفكير في طلباتك اللي مبتخلص، في شك كبير في المقولة اللي احنا بنفسرها على مزاجنا، ابعدوا عن الشبهات ورجعوا الجملة لأصلها.