تامر أمين عن أغنية يا ليالي لـ أحمد سعد وروبي: تشبه أغنية سميرة سعيد.. مش عارف دا تقليد ولا توارد

علق الإعلامي تامر أمين عن تشابه دويتو أحمد سعد وروبي الجديد الذي يحمل اسم يا ليالي بأغنية سميرة سعيد، التي تحمل نفس الاسم.

تحيا مصر يرصد تصريحات تامر أمين. 

تصريحات تامر أمين

وقال تامر أمين خلال برنامجه آخر النهار: عيبي أني مش بستسلم للحاجات وبدور وأفتش لحد ما آلاقي ما أعتقد أنه مظبوط، وأغنية يا ليالي لـ أحمد سعد وروبي روحها حلوة وجميلة، ولكن من وقت ما سمعتها بقول سمعتها فين، لأن الإيقاع ده مش غريب لحد ما دورنا ولقينا أنها تشبه أغنية سميرة سعيد.

تامر أمين يكشف عن تشابه أغنية أحمد سعد مع سميرة سعيد 

وتابع: ده سؤال وأنا لا أدعي الفهم ولا التخصص أنا مستمع ومتلقي وودني سمعت يا ليالي 1988، وهل ده اسمه اقباس ولا تشابه ولا تقليد بالملي كوبي بيست ولا اسمه صدفة ولا توارد الحان او إيقاع او توزيع.

وعن أحمد سعد، أضاف: ربنا فاتحها عليه الله أكبر اللهم لا حسد هو كفاءة ويكح الأغنية تنجح بسم الله ما شاء الله، زي السيكنة في الحلاوة.

كلمات اغنية ياليالي احمد سعد و روبي

يا حبيبي
خلصت معاك ألاعيبي
انت جميل و انا عيبي عيبي
بضعف قصاد الجمال الجمال
يا جماله
قلبي الصغنن ماله
شقلبت طبعه و حاله وماله
متساق وراك رحال
يا ليالي
اعذري استعجالي
ده الغالي
ع القمر و ندالي
غنالي
غنوة حبيبي و رقصت معاه
يا ليالي
الحلو فوق في العالي
و ندالي
والدنيا فرفشهالي
غنالي
غنوة حبيبي و رقصت معاه

علي بابك
واقف قتيل علي بابك
انا تحت امر جنابك مالك
فالدلع استاذ استاذ
علي بالي
ماتروحش يوم من بالي
اسمك ده بالنسبالي عالي
و حفظته صم خلاص وخلاص
يا ليالي
اعذري استعجالي
ده الغالي
ع القمر و ندالي
غنالي
غنوة حبيبي و رقصت معاه