بعد إعلان اعتزالها.. منى فاروق: مش عارفة ادفع إيجار بيتي.. وبقيت منبوذة من كل الناس

حرصت الفنانة منى فاروق التعليق على قرار اعتزالها، مؤكدة على أنها تريد العمل في الفن بشدة، وذلك من خلال منشور عبر حسابها الشخص على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات منى فاروق عبر إنستجرام

منى فاروق: مش عارفة ادفع إيجار بيتي

وكتبت منى فاروق خلال خاصية استوري: مساء الخير.. الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية.

وتابعت: أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي.

واختتمت: عشان كدا أنا بناشد دكتور أشرف زكي، الأستاذ أشرف عبد الباقي، شركات الإنتاج، محتاجة شغل، عاوزة أعرف أعيش، ولما قولت قرار اعتزل من أجل لو حد شافني بشتغل في محل لبس أو أي شغل ميقولش ايه دا، مش طالبة غير اشتغل أبوس ايديكم عاوزة اشتغل.

أحدث تصريحات منى فاروق

وسبق وتحدثت الفنانة منى فاروق عن أزمتها الأخيرة، وكشفت بعض الأمور في حياتها الشخصية، كما تحدثت منى عن والدها الراحل وكشفت عن علاقتها به، وذلك في تصريحات لموقع تحيا مصر.

وقالت منى فاروق: لما حصلي أزمة زي اي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك واي حد بيدوس عليا لأن أنا معنديش ضهر بس ربنا ضهري، وربنا ابتلاني وناس كتير قدامي ظهرت على حقيقتها سواء من صحابي أو ناس قريبة مني أو من الشغل".

وتابعت: ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي، وكنت بحاول أهرب من الواقع اني مفكرش فيه عشان الحياة بتوجع والحقيقة دايمًا بتوجع و أبويا لو كان عايش كان هيجيبلي حقي ومكنتش هحارب الدنيا لوحدي.