راغدة شلهوب: مبسوطة باللي وصلتله الفترة الأخيرة ببرنامجي

تحدثت الإعلامية راغدة شلهوب عن تفاصيل بعض حلقاتها، الذي تحدثوا فيها ضيوفهل عن تجربة المساكنة.

تحيا مصر يرصد تصريحات راغدة شلهوب.

تصريحات راغدة شلهوب

وقالت راغدة شلهوب: أكيد ما بتأثر لإن هذا الموضوع لا نطرحه على العلن، وبعض الضيوف قالولي أا هما عاشوا المساكنة، وفي منهم من قرر عدم الإنجاب، وفي كتير حكوا في أمور أعمق من كده، الشيء اللي بينحكى في السر ليه ما بينحكي على العلن.

وتابعت: ومفيش حد بيتمنى الشر لحد، وزي ما أنا بتمنى الخير لغيري، أتمنى الناس تتمنالي الخير، ومعنديش النفسية ديه خلاص، والنجاح الأكبر دليل، ومبسوطة باللي وصلتله في الفترة الأخيرة ببرنامجي.

ضيوف برنامج راغدة شلهوب 

من جانبه، كانت حلت الإعلامية والفنانة ميار الببلاوي ضيفة على برنامج «سابع سما» من تقديم الإعلامية راغدة شلهوب على فضائية النهار.

وانهارت ميار من البكاء وفقدت السيطرة على نفسها خلال لقائها مع راغدة عندما عرضت الأخيرة مشهد تمثيلي لها، فترجتها قائلة: «لا لا شيليله.. مش عايزة افتكر تاريخي الأسود أبوس ايدك، مش عشاني عشان ابني ".

وتابعت: "أنا حاولت بكل الطرق اشيله لاني عارفة أنه أول حاجة بتظهر ليا وتواصلت مع جوجل بس معرفتش.. لو أي حد يعرف طريقة اشيليه بيها يقولي، عندي استعداد ادفع كل اللي عندي.

فيما تحدثت ريهام سعيد عن عدد من نجوم الفن والإعلام منهم من رفعته لسابع سما ومنهم من أنزلتهم لسابع أرض فضلًا عن علاقتها بأبنائها، وفي السطور التالية نرصد أبرز التصريحات:

برنامج سابع سما للإعلامية راغدة شلهوب 

• صلاح عبد الله زعلانة منه وهو راجل بيغلط بسرعة المفروض أنه أنضج من كده مينفعش يشتمني ويقطع فيا وأنا في أزمة

• رضوى الشربيني كلمتها لما حصل عليها هجوم قالتلي هكلمك بكره ومكلمتنيش وكلمتها لما اعزيها في مامتها حد قريب اللي رد ومش بشوف برامجها خالص

• تامر حبيبي هطلعه سابع سما رغم أنه شتمني وكان أول مرة جوزي يرد على حد على الإنترنت

• باسم يوسف ظالم ومعندوش ضمير

• جمال العدل بيشوفني مبيسلمش عليا

• لقاء الخميسي لما هاجمتني  التعلب صعب عليها وأولادي لا!

• مرتضى منصور بحبه أوي وبيفكرني بنفسي وبحسه راجل مظلوم وهو راجل جميل

• مصطفى حسني عايشة بيه بعد ربنا وبحس أنه مرسال من عند الله ليا

• عيالي هم سندي عمرهم مظلموني ولا زعلوني

•  سبب من أسباب اعتزالي أني خايفة حد قذر يعملي حاجة فمبقاش معاهم

• بقولهم آسفة اني ضايقتكوا وشكرا انكم في ضهري وعمركم معتبتوني في وشي