مي كساب بعد استقبال عزاء والدها: فقدانه محنة كبيرة أوي

وجهت الفنانة مي كساب، رسالة شكر لكل من وقف بجانبها بدايةً من مرض والدها، حتى حضور عزائه، مشيرة إلى أن فقدانه محنة كبيرة.

تحيا مصر يرصد أول تعليق للفنانة مي كساب بعد وفاة والدها.

أول تعليق للفنانة مي كساب بعد وفاة والدها

وكتبت مي كساب عبر حسابها الرسمي بموقع التواصل الاجتماعي فيسبوك: شكرا من جوه قلبي لكل إنسان كان جمبي من أول مرض أبويا لحد النهاردة، وكل حد دعالنا دعوه من قلبه.

وفاة والد مي كساب

وتابعت: حب الناس الصادق الخالي من أي مصالح بكنوز الدنيا وألف حمد وشكر لله على تسخيره لعباده الأوفياء ليا في محنتي الكبيرة دي.

وأضافت: أبويا اللي علمني ورباني وخلاني بني آدمة، فقدانه محنة كبيرة قوي.. ادعولي عشان أقدر أرضى بقضاء الله وقلبي يبرد وأقدر أعديها، إنا لله وإنا إليه راجعون.

تصريحات مي كساب

من جانبه، كانت قالت مي كساب خلال لقائها ببرنامج بودكاست بتاع أفلام: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.

وتابع: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.

وأضافت: عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.

وقالت مي كساب خلال حلولها ضيفة على برنامج “تفاعلكم”: “زينة صديقة ليا من زمان قبل كا نتشهر وهي محترمة وبعتز بصديقتها لكن في أغلبية التصوير هي مكنتش بتكون معانا فيه عشان كدة مفيش حاجة بتجمعنا بيها لكن مفيش مشاكل بينا”.