منى فاروق تعلن اعتزالها: أشعر بعدم التقدير لشخصي.. محتاجة شوية لحد ما أقدر أواجه الحياة الظالمة دي تاني

أعلنت الفنانة منى فاروق اعتزالها، من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل اعتزال منى فاروق

منى فاروق تعلن اعتزالها

وكتبت منى فاروق من خلال خاصية إستوري: تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل.

وتابعت: إجازة مفتوحة من السوشيال ميديا.. مش هكون موجودة.. مش عاوزة حاجة من حد.. ولا حد يعوز مني حاجة.. واللي زمان أنا عيشته لغيري أنا دلوقتي هعيشه لنفسي.. محتاجة أكون نفسي.. محتاجة سلام نفسي.. اللي بيحبوني شكرا وكتر خيركم، واللي مبيحبونيش شيلوني من حساباتكم، لحد ما أقدر أواجه الحياة الظالمة دي تاني.. سلام.

أحدث تصريحات منى فاروق

وسبق وتحدثت الفنانة منى فاروق عن أزمتها الأخيرة، وكشفت بعض الأمور في حياتها الشخصية، كما تحدثت منى عن والدها الراحل وكشفت عن علاقتها به، وذلك في تصريحات لموقع تحيا مصر.

وقالت منى فاروق: لما حصلي أزمة زي اي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك واي حد بيدوس عليا لأن أنا معنديش ضهر بس ربنا ضهري، وربنا ابتلاني وناس كتير قدامي ظهرت على حقيقتها سواء من صحابي أو ناس قريبة مني أو من الشغل".

وتابعت: ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي، وكنت بحاول أهرب من الواقع اني مفكرش فيه عشان الحياة بتوجع والحقيقة دايمًا بتوجع و أبويا لو كان عايش كان هيجيبلي حقي ومكنتش هحارب الدنيا لوحدي.

منى فاروق برنامج Eye See

وفي وقت سابق، أعلنت الفنانة المصرية منى فاروق خوضها تجربة تقديم البرامج الحوارية لأول مرة من خلال برنامج «آي سي Eye See»، والمقرر عرضه بعد موسم عيد الفطر المبارك.

ويعد برنامج “Eye See” من البرامج الحوارية الاجتماعية في إطار ترفيهي مرح، وتستضيف خلال حلقاته نخبة من نجوم الوسط الفني وأبرز مشاهير السوشيال ميديا.

وقالت منى فاروق عن هذه التجربة: “متحمسة لتجسيد شخصيتي الحقيقية في تقديم البرنامج عبر التلقائية وخفة الدم مع الضيوف، والبرنامج يمثل تجربة ممتعة في مناقشة الصراع الأبدي بين الرجل والمرأة وعدة مواضيع اجتماعية وحياتية في إطار ترفيهي وخفيف وملئ بالسخرية والضحك”.