تخطى الـ 400 ألف جنية.. إيرادات فيلم البعبع بطولة أمير كرارة

حقق فيلم البعبع بطولة النجم أمير كرارة النجمة ياسمين صبرى نجاح واسع، حيث بلغ أمس الاثنين إيرادات 436 ألف جنيه.

تحيا مصر يرصد إيرادات فيلم البعبع.

أبطال فيلم البعبع

يشارك في بطولة فيلم البعبع، أمير كرارة، ياسمين صبري، باسم سمرة، محمد عبد الرحمن "توتا"، محمد أنور، محمد عبد العظيم، محمد محمود، هشام الشاذلى، الطفل جان رامز وضيوف الشرف إنعام سالوسة، رحاب الجمل، ضياء عبد الخالق، وعدد آخر من الفنانين، من تأليف إيهاب بليبل وإخراج حسين المنباوي، من إنتاج سينرجي فيلمز والطاهر ميديا وفيلم سكوير.

قصة فيلم البعبع

فيلم البعبع  تدور فصته في يوم واحد حول سلطان، وهو مجرم مخضرم تم الإفراج عنه من السجن، ليقوم بعدها بعملية تسليم آثار لصالح أحد التجار، لكنه يغدر بهم ويستولي علي الآثار والأموال ويبلغ عنهم الشرطة، ويُحضر نفسه للسفر خارج مصر، إلا أنه يفاجئ بظهور أبنائه الاثنان في منزلة القديم واللذان لم يكن يعلم عنهما شئ منذ ولادتهما، ليضطر أن يهرب بهما وسط هجوم أحد العصابات عليه.

وقال أمير كرارة: راضي عن إيرادات فيلم البعبع، وإحنا بنشتغل والإيرادات دي بتاعة ربنا والمنتج نفسه، والحمد لله بنعمل حاجة تليق بالجمهور وفيلم محترم، وطبعًا المنافسة شديدة وأنا من محب الكريمين وربنا يكرمهم ويكرم كل الناس.

تصريحات أمير كرارة 

وتابع: من التجارب الحلوة اللي اكتسبتها في المهنة هو التعامل مع ياسمين صبري، وهي بصراحة ست وممثلة جميلة، وارتحت معاها في التعامل وأتمنى أشتغل معاها تاني، وعندها جمهور كبير جدًا، والناس بتحبها جدًا.

وقال أمير كرارة خلال استضافته ببرنامج معكم منى الشاذلي: كنت مرعوب من الفيلم وأتعرض عليا بطريقة مختلفة، وكان عندنا عوامل كتير في الفيلم وهو ميكس غريب، والفيلم كوميدي أكتر وعائلي ومحترم وممكن العيلة كلها تدخل الفيلم وهتتبسط بيه.

وتابع: أنا اتاخرت في موضوع السينما شوية وكنت مركز في المسلسلات أكتر آخر فترة، وأنا عملت حرب كرمز وكان حلو جدا، و أنا وبيتر ميمي وش السعد على بعض ولما اشتغلنا كلبش كان سلمة جديدة في حياتنا، وكان جوايا تحدي بالنسبالي وأبين للناس أن لسه عندي كتير وبقالنا زمان متعملش فيلم أكشن كوميدي زي فيلم البعبع.

وأضاف: الشغل مع الأطفال حاجة مميزة جدًا، و أنا اقرب حد ليا في حياتي هما ولادي من صغرهم بصاحبهم أنا اللي مربيهم، وأنا بخرج معاهم وشلتي اللي بستمتع بيهم وبروح السينما ومعايا 15 عيل، وبيقعدوا 3 أيام في مصر و 3 في الساحل وأنا بالنسبة ليهم بابا نويل وبحققلهم أحلامهم وبعرف أتعامل مع السن الصغير.