أكمل رسلان: زوج هاجر أحمد دمرني وخسرت 3 مليون جنيه بسببه ومليش غير ربنا اللي هيرجعلي حقي

كشف الفنان أكمل رسلان عن تفاصيل الأزمة التي حدثت بينه وبين زوج الفنانة هاجر أحمد  وصاحب مطعم قصر الكبابجي والتي وصلت إلى المحاكم، وذلك بعد تعدي الأخريين عليه وتدمير مشروعه “مدينة الرعب”.

تحيا مصر يرصد في ذلك التقرير تصريحات أكمل رسلان عن تفاصيل أزمته مع زوج هاجر أحمد

أكمل رسلان: زوج هاجر أحمد هددني وقالي اي القرف اللي انت فاتحة ده مش هنخليك تكمل

وقال أكمل رسلان خلال لقائه بـ موقع تحيا مصر: أجرت محل  في إحدى المولات بالشيخ زايد في2021 من شخص يدعى عمر عادل واجرت 5 سنين وأنا فتحت وقصادي كان مطعم قصر الكبابجي وإحنا في نص 8 كلمني جوز هاجر أحمد وقالي أنا اللي اشتريت المول وهاخد منك الإيجار وعزمني على فرحه هو وهاجر أحمد، ورجع بعد شهر العسل قالي اي القرف والزبالة اللي انت فتحها دي، ازاي رعب ودم وزومبي جنب قصر الكبابجي، أنا عايز محلات مهمة زي لازوردي، وبعدها روحتله أسماك وقالي مش هنخليك تكمل وهنخلي الجهاز يرخم عليك.

أكمل رسلان: كسروا المكان واتهموا مدير المول بده

وتابع حديثه، قائلا:خدوا الخشب كسروه وقالوا ان الجهاز هو اللي شال الخشب كان تمنه  150 ألف جنيه، وخسروني أكتر من 3 مليون جنيه، كسروا المكان وحطوا أقفال، وصاحب المول مكنش بيرد على التليفون وشال ايده برة الموضوع، وكل مثبوت بالكاميرات وشهود الناس، وكان عندنا جلسة النهاردة بس اتأجلت وادعوا إنه مدير المول اللي عمل ده.

وعن محاولة حل الأمر ودي، قال رسلان: الدكتور أشرف زكي كلمني وقال بلاش تتكلم عشان هاجر أحمد بنتنا ولكن قولتله جوزها دمرني وخسرني مالي ومشروعي وصعبان عليكم إني بستغيث وأنا مبجبش سيرة هاجر أنا جايب سيرة جوزها البلطجي ورامي صبري كلمه وناس كتير حاولت تتدخل أنا ليا ربنا أقوى من أي حد.

أكمل رسلان وسرقة ألحانه

من ناحية أخرى، تحدث أرسلان عن سرقة ألحانه، حيث قال: فيه كتير أخدوا ألحان أغنياتي، شيرين مثلا كنت عامل أغنية مش بعيد وهي بعدها بسنة عملت كل حب الدنيا ليا في قلبي ليك، وأغنية قادر أكمل مسروقة من بعد الحب ده كله يا غالي نفس اللحن بالظبط، ودي بتحصل معايا كتير وأنا مش بعاتب وفيه ناس زمايلي كتير جدا ومش برفع تليفون أقولهم انتو واخدين مني أغاني، رامي صبري مثلاأخد لحن أغنية أنا بعترفلك عجباني من أغنية ليا بس رامي صبري مقولتلوش والأغنية نجحت معايا ونجحت مع رامي صبري وحماقي بردو كذلك و مش بيبقى قاصد ممكن يكون تشبع بأغنية.