أسما شريف منير: اتحرك انت مش شجرة في حاجات كتير محتاجين نكتشفها في نفسها وفي الكون

وجهت الفنانة أسما شريف منير رسالة لـ جمهورها عبر حسابها الرسمي بموقع تبادل الصور والفيديوهات انستجرام، تنصحهم باكتشاف أنفسهم ومحاولة فهم الحياة والكون والبشرية.

تحيا مصر يرصد في ذلك التقرير رسالة أسما شريف منير للجمهور

أسما شريف منير توجه نصيحة للجمهور

ونشرت أسما شريف منير مجموعة صور جديدة لها وهي تمارس اليوجا وبعض التمارين الرياضية، وعلقت عليها:لما المشاعر بتتغير جواك كل حاجة بتتغير حواليك، اوحش حاجة بتحصل للواحد بتكون احسن حاجة بتحصله، الفكرة بس انت شايفها ازاي، ابتلاء و خلاص ولا درس مهم ل اللي جاي.

وتابعت: اتحرك انت مش شجرة في حاجات كتير اوي لسه محتاجة نكتشفها في نفسنا و في الكون اللي حوالينا، انا كان زماني بلف في دايرة روتينية مريحة سخيفة و بايخة ملهاش اخر، طلع اني لازم اترمي من الشباك عشان اعيش و اكتشف انا مين و اقدر اعمل ايه

أسما شريف منير وعلاقتها بطليقها

جدير بالذكر، أنه سبق لـ أسما شريف منير الحديث عن علاقتها بطليقها، فقالت: كل مرة بحس أن لو أب واحد أو أم واحدة سمعوني وراجعوا نفسهم وقرروا أنهم يتنازلوا عن كل الخطط والقضايا والمحاكم والخناق وفكروا قد ايه هما بينقذوا نفسية ومستقبل اولدهم مش هيترددوا لحظه أنهم يختاروا السلام.. كل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد ايه بتكون سعيدة من قلبها ونفسيتها مرتاحة ودي أكتر حاجة بتفرقلها، أكتر من الهدايا واللبس واللعب.

وتابعت: أبو بنتي  بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسيبها عاليا، بالعكس ودي حاجة تاتيه مهمه جداً، أن الأب مش دوره بس أنه جيب فلوس، كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد.