مصطفى درويش: بزعل لما بلاقي حد في الشارع يقولي أنت فينك

كشف الفنان مصطفى درويش عن قرار التراجع عن الدخول في الوسط الفني في حالة الرجوع بالزمن، وذلك خلال حواره مع الإعلامية إنجي هشام في برنامج المنسي عبر قناة هي.

تحيا مصر يرصد تفاصيل تصريحات مصطفى درويش في المنسي

تصريحات مصطفى درويش في المنسي

وقال مصطفى درويش: لو رجع بيا الزمن مش عارف هختار ادخل الفن ولا لا، الصعوبات اللي فيها وأنت شاب صغير بتحس أنها صعبة لما بتكبر بتحس إن الصعوبات لازم تقل شوية، لأن قوة تحملك مش هتبقى زي ما كانت خبرتك بتزيد إنما التحمل بيقل مش بس جسديا لكن نفسيا لأنك بتحس أنك حققت وعلشان حققت بتحس أنك مش محتاج تتعب نفسك التعب بتاع زمان إنما لكا تحس انك حققت وتتعب اكتر من زمان دا تحميل نفسي عليك.

وتابع: حاليا بقولك اة ممكن لو رجعت بالزمن اقولك لا لو هتقوليلي حد من ولادك يدخل هقولك لا مش عايز وعلشان حاجات كتير مش بس صعوبات علشان ما بعد الصعوبات دي.

مصطفى درويش: الطبيعي أن البني آدم ميوصلش بسهولة

واستكمل: الطبيعي أن البني ادم ميوصلش بسهولة دا الطبيعي إنما اللي طبيعي انك بعد ما بتواجه الصعوبات وتبدأ تحقق حاجه والسمك يحميك إن الصعوبات تعلى الصعوبات تعلى عشان تحافظ على الاسم اوك إنما تعلى عشان تشتغل وتحس انك بترجع تاني زي ما كنت بتعمل الاول؟.

وختم: لما بتقابل في الشارع مع الجمهور وحد يقولي انت فينك يا فنان بزعل لاني مش عارف ارد اقول ايه وهو مش هيكون مستوعب اللي بقولهوله فبقول ربنا يسهل وبحس اني غير مقنع لاني مش مصدق اللي بقوله ده اللي بيتعبني.

مصطفى درويش وتشابه الأسماء

وفي الحلقة ذاتها، كشف الفنان مصطفى درويش كواليس أزمته مع المرحوم مصطفى درويش بسبب تشابه الاسماء، وقال مصطفى درويش: الأزمة أو المشكلة دي حصلت سنه ٢٠١٤، كنت بعمل مسلسل مع استاذ نادر جلال اسمه العقرب وبعدين فجأة لقيت نفسي مكتوب في التتر مرتين مرة في تتر البداية مصطفى درويش وصورتي ومرة تانية اشترك في التمثيل مصطفى درويش في تتر النهاية كلما المنتج في التليفون قلتلوا انت حاطتتني في التتر مرتين ، أنت حابين اوي كده قالي لا ده ممثل تاني اسمه مصطفى درويش.