أوردراته كانت بتجيلي.. مصطفى درويش يروى تفاصيل أزمته مع الراحل مصطفى درويش بسبب تشابه الأسماء

كشف الفنان مصطفى درويش كواليس أزمته مع المرحوم مصطفى درويش بسبب تشابه الاسماء، وذلك خلال حواره مع الإعلامية انجي هشام في برنامج المنسي عبر قناة هي.

تحيا مصر يرصد تفاصيل تصريحات الفنان مصطفى درويش

تصريحات مصطفى درويش في برنامج المنسي

وقال مصطفى درويش: الأزمة أو المشكلة دي حصلت سنه ٢٠١٤، كنت بعمل مسلسل مع استاذ نادر جلال اسمه العقرب وبعدين فجأة لقيت نفسي مكتوب في التتر مرتين مرة في تتر البداية مصطفى درويش وصورتي ومرة تانية اشترك في التمثيل مصطفى درويش في تتر النهاية كلما المنتج في التليفون قلتلوا انت حاطتتني في التتر مرتين ، أنت حابين اوي كده قالي لا ده ممثل تاني اسمه مصطفى درويش.

وتابع:  قلتلوا طب هو دا ينفع ده كده يبقي في اختلاط في لحكاية وجبت رقمه وكلمته قالي يا استاذ أنا بحبك قلتلوا وانا كمان يا حبيبي بحبك مفيش حاجة بس انا بقولك ده هيعمل مشاكل وبعد فترة الناس بدأت تبعتلي اوردرات مش بتاعتي مرة روحت ٣ شركات اقولهم باعتنلي ده ليه يقولولي معلش ده مش ليك أنت بعد فترة جالي من الضرائب إخطار بحاجات أنا معملتهاش فأقولهم يا جماعه معملتش الأعمال دي يقولولي لا اقولهم مش أنا.

مصطفى درويش: الأزمة اتحلت قبل ما يتوفى بسنتين

واستكمل: في الاخر اشتكيت للنقابة والنقابة بعتتلو ومضي إقرار أنه هيغير الاسم يخليه مصطفى حسين درويش فمحصلش فاشتكيت تاني لاشرف ذكي لحد من سنتين دكتور اشرف حابه وجه مصطفى الله يرحمه بكل حب اتقابلنا في نادي النقابة وطلع مصطفى اتكلم وقال أنا آسف والأزمة اتحلت قبل ما يتوفى بسنتين.

وختم درويش قائلًا: الموضوع ده فرق معايا على مستوى الشغل مرة كلمت مخرج قالي واحشني قلتلوا طب مبتجبنسش ليه قالي أنا طلبتك وقالولي دا شغال في كذا قولتلو أنا قاعد في البيت فاتضح أن مصطفى كان بدأ ينتشر والناس افتكرتني أنا وبعدين اوردراته كانت بتجيلي.