سارة نخلة: الراجل متعدد العلاقات اجتماعي والبنات بتحبه.. واللي معندوش تجارب موضة قديمة

تحدثت الفنانة ومقدمة البرامج سارة نخلة عن طبيعة العلاقة بين الرجل والمرأة في حدود الصداقة فيما يسمى "البيست فريند" خاصة في حالة إذا كان الرجل متزوج قائلة: " الرجل متعدد التجارب البنات بتحبه واجتماعي".

تحيا مصر يرصد تفاصيل تصريحات سارة نخلة في برنامج فيس أوف

تصريحات سارة نخلة في برنامج فيس أوف

وعلقت نخلة على رد فعل الفتيات في مشكلاتهم العاطفية خلال برنامجها "فيس أوف" على شاشة قناة "هي"، قائلة: "كل ممنوع مرغوب طالما اتجوزتي راجل وهو عنده صداقات مع بنات وانتي وافقتي من الاول يبقي تسكتي، طالما يعرف البنت دي بقاله سنين مينفعش تمنعيه عنها علشان هيجي في يوم من الايام ويقولك انتي خسرتيني فلانة".

وأوضحت نخلة معددة مميزات الرجل متعدد العلاقات العاطفية: مبقاش في راجل في الحياة معندوش تجارب لو اتعرفتي على راجل مشفش حد في حياته ومتعرفش على حد هيبقى معقد، واللي معندوش تجارب مش هيعرف يتعامل معاكي.

نصيحة سارة نخلة للفتيات

ووجهت نصيحتها للفتيات: "عادي يبقى عنده صديقات دا مؤشر أن الراجل دة محبوب و البنات بتحبه اجتماعي بيحب يبقي عنده صحاب، فدا بالنسبالي مؤشر حلو اوي والاحسن يكون عنده قبلك تجارب عاطفية، في بنات كتير بستغربها بتقولك اصل هوكان بيحب واحدة قبلي أو على علاقة حب أو ارتباط أو خطوبة".

برنامج “  FACE OFF” تقدمه سارة نخلة على شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.

انتقاد سارة نخلة للفنانة حورية فرغلي

وسبق وأن انتقدت الفنانة ومقدمة البرامج سارة نخلة  تصريحات الفنانة حورية فرغلي بشأن استئصال الرحم وعدم قدرتها على الانجاب ورفض طلبها في تبني طفل بسبب عدم زواجها.

وقالت سارة نخلة خلال برنامجها فيس أوف على شاشة قناة هي: "في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية".