حمزة نمرة عن ألبوم رايق: نزوله في الصيف تحدي.. واسمه بيمثلني

تحدث المطرب حمزة نمرة عن تفاصيل ألبومه الجديد، الذي يحمل اسم رايق، وذلك من خلال مداخلة هاتفية له ببرنامج أجمد 7 الساعة 7 مع المذيعة جيهان عبد الله.

تحيا مصر يرصد تفاصيل تصريحات حمزة نمرة

تفاصيل ألبوم رايق لـ حمزة نمرة

وقال حمزة نمرة: الألبوم اسمه (رايق) وأول أغنية نزلت الأربعاء اللي فات، وكل أربعاء الساعة 7 مساء هيكون فيه أغنية أو اتنين حسب الجدول، وحتى أول سبتمبر.

وتابع: دي أول مرة أنزل في الصيف فهو تحدي، ومبسوط بردود الأفعال من أول أغنية ومستني ردود فعل الناس على الباقي، والمفروض كنت أنزل الشتاء اللي فات بس كان عندي جولة ولو استنيت للشتاء الجاي هيبقى كتير فقلت خلاص شتاء أو صيف، لكن ردود الأفعال كانت جميلة، وحسيت يمكن أحسن قرار إني نزلت في الصيف.

حمزة نمرة: بقول لنفسي ما تخليش القلق يسيطر عليك

أما عن سبب تسمية الألبوم بهذا الاسم قال حمزة نمرة: أول ما فكرنا في اسم الألبوم والأغاني، لما جاء موضوع عاوز أبقى رايق أكتر، الموضوع ده دخل جوايا بشكل عميق لأني طول عمري عندي نوع من القلق ونفسي أبقى أروق من كده ولا أكون قلقان من المنافسة والمستقبل فحسيت ناس كتير هتبقى حاسة كده.

وتابع: حتى آخر جملة في أغنية (رايق) بتقول (انتهى القلق كل شيء فرق حتى الجو جو دماغي رايق) فأنا بقول لنفسي ما تخليش القلق يسيطر عليك، والقلق ممكن يجعل لدى الواحد حافز يحسن عمله ولكن لا تجعله يستهلكك في النهاية.

حمزة نمرة يتألق بأغنية فاضي شوية

يذكر، أنه تألق حمزة نمرة في أغنية فاضي شوية، التي أحدثت ضجة عريمة عبر مواقع التواصل الإجتماعي المختلفة، وجاءت كلماتها: آه يا سلام سيبنا الوقت يعدي أوام ما حسبناش اللحظة الجاية ده إسمه كلام عيشنا العمر نربّي حمام بس نسينا نقوم غيّة وما يهمكش عادي إسمع مني الساعة دي مش وقت عتاب أو لوم آه فيها إيه لو نرجع ثاني وبدل ما تكون وحداني تسندني معاك ونقوم فاضي شوية نشرب قهوة في حتة بعيدة إعزمني على نكتة جديدة وخلّي حساب الضحك عليّ.