خالد الفايد عن هاني محروس: اتسرعت وغلطت فيه غلط كبير بسبب أني سلمت وداني

أقر المطرب المعتزل خالد الفايد بأنه أخطأ في حق المنتج هاني محروس، بسبب انصاته للبعض والسماح لهم بالإيقاع بينهما.

تحيا مصر يرصد تصريحات خالد الفايد عن هاني محروس.

تصريحات خالد الفايد عن هاني محروس

وكتب الفايد عبر حسابه الرسمي بموقع التواصل الاجتماعي فيسبوك: أكبر غلطه عملتها ف حياتي أني سمعت كلام الناس كنت مخلص من قلبي ..لكن شفت منهم عكس كدا وربنا يكفيكم شر اللعب ف الودن والكلام الفارغ.

وتابع: ربنا يبعد عنكم اي حد بيستغلكم ويضحك عليكم باسم الدين، ربنا يبعد عنكم اي حد عامل فيها مولانا وهو عطاط صدقوني في حاجات مش هقدر اشرحها ليكم ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم.. اوعي تسلم ودنك لحد وتخليه يبخ فيها سموم، دا درس اتعلمته حبيت اوضحه علشان محدش يقع في نفس غلطتي.

خالد الفايد يعتذر لأصدقائه

وسبق وكتب خالد الفايد عبر حسابه الشخصي بموقع التواصل الاجتماعي فيس بوك: في موضوع مهم حابب أتكلم فيه مع أصحابي وحبايبي، أنا آسف لكل واحد زعل مني بقصد أو من غير قصد، كلنا بنغلط مفيش حد معصوم عن الغلط، أنا لسة قدامي سنين وسنين علم عشان أقدر أقول عن ده غلط وده صح دخلت في مواضيع كتير وهاجمت الوهابية، وهاجمت ناس كتير بتمنى من كل واحد زعل مني يسامحني.

وتابع: أنا بوعدكم أني مش هدخل نقاشات في الدين نهائيًا، مع أي حد لأني لسه معنديش العلم ولا القدرة على النقاشات دي، أنا شاب بسيط ربنا أنعم عليّ بنعمة الصوت، أنا هحاول قد ما أقدر استغله في قراءة القرآن والأذان والإنشاد الديني بس.

وأضاف: زي ما أنا مش هتكلم عن حد، ولا هفتح نقاش أتمنى منكم تحترموا اختياري، أني أكون صوفي أو أي شيء تاني، وفي النهاية كلنا مسلمين ، شكرًا لكل اللي كملو كلامي، وفتحو قلوبهم عشان يسمعوني، أخوكم في الله خالد الفايد.

اعتزال خالد الفايد الغناء

من جانبه، كان قال خالد الفايد في منشور عبر حسابه الرسمي بموقع التواصل الإجتماعي “فيسبوك”: السلام عليكم ياشباب من يوم ما بطلت الغناء وتبت الي الله منه وانا قاعد ف البيت والدنيا واقعه جدا معايا وانا قاعد دلوقتي من غير شغل ومش هرجع للغناء حتي لو فيها موتي اصلا انا محتاج شغل ضروري براتب كويس او مجزي يبقا جزاكم الله خيرا اللي حابب يتواصل انا متاح علي ماسنجر وجزاكم الله خيرا مره تانية.