أحمد فهمي عن هنا الزاهد: باربي بصوت علي الشريف

حل الفنان أحمد فهمي ضيف على برنامج الحكاية الذي يقدمه الإعلامي عمرو أديب برنامجه الحكاية المذاع عبر قناة Mbc مصر الفضائية.

تحيا مصر يرصد تصريحات أحمد فهمي.

تصريحات أحمد فهمي

وقال: في البداية كنت بعمل فيلم تاني خالص غيره، وبعدين لقيت فادي دخل عليا وقالي حلو الفيلم ده، قالي فكرة الفيلم، وقولتله الغي الفيلم وأنا هعمل ده، والحمد لله، وأوس أوس أول واحد كان معايا في الشغل، وبدأنا في تجميع أبطال العمل.

وتابع أحمد فهمي: الحاجات اللي بشتغل عليها مش بحب أنزل اسمي عليها، في مؤلف وفي فكرة لمين، ولازم أتكلم مع المؤلف، وعايز أشكر محمد السبكي، علشان مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدًا، ويبقى نقلة لينا كلنا على مستوى الصورة، وطول الوقت بيخاف على الصناعة، ومواقف ضيوف الشرف كلها كتبناها من غير ما نعرف مين اللي هيعملها.

أحمد فهمي في برنامج الحكاية

وأضاف: أفلام العيد كلها كانت كبيرة وأول مرة يحصل في العيد، ولو في فيلم واخد إيرادات كبيرة لازم تعرف واخد كام شاشة عرض، تامر حسني نجم كبير وعلى راسي، وكريم عبد العزيز، والفيلم لما راح الخليج بياخد نفس قاعات العرض، وتقدر تقول مين جاب أكتر ولا أقل.

أحمد فهمي يحقق نجاح واسع بفيلم مستر اكس 

واستطرد: لما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات، وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير.

واردف: في لغة بنتكلم فيها أنا وهنا بنغير أول حرف ونحط س، وهي بتعرف تقول الإفيه بوزنه، وبتقوله زي الولاد عادي، وصوت مش لايق على الشكل، تلاقي باربي بصوت علي الشريف، والفيلم قايم عليها.

وأوضح: بضايق من الناس اللي تقولك بقالي كتير بعمل دراما فتعبت وهريح شوية بحاجة كوميدي بالعكس الكوميدي أصعب.

واستكمل: أحمد السبكي لما قرأ أغنية اختياراتي مدمرة حياتي قال وحشة.