سيرين عبد النور: أكتر حاجة خطر عملتها في حياتي الجواز.. والأمومة حاجة عظيمة

كشفت الفنانة اللبنانية سيرين عبد النور عن أكبر تجربة خاضتها في حياتها، مؤكدة على أن الزواج يشبه “البطيخة”، وذلك خلال لقاء لها بـ بودكاست Katchup with inji ali.

تحيا مصر يرصد تفاصيل تصريحات سيرين عبد النور في Katchup with inji ali

سيرين عبد النور: أكتر حاجة خطر عملتها في حياتي الجواز

وقالت سيرين عبد النور: أكبر تجربة في حياتي الأمومة، الأمومة شيء عظيم، وأنا بدعي كل بنت خايفة أنها تتجوز ويبقى عندها عيلة أنتي عليكي بس تختاري الشخص المناسب وهتكوني كتير مبسوطة بأنك تكوني أم.

وتابعت: أكتر حاجة خطر عملتها في حياتي الجواز، لأنه زي البطيخة، والحمد لله طلعت حمرا.

رد سيرين عبد النور على الانتقادات

وسبق وأن، كشفت الفنانة سيرين عبد النور عن حقيقة رفضها توفير علب حليب لأطفال سوريا، والإنتقادات التي وجهت إليها من الجمهور، واتهامهم لها بعدم قبولها تحدي النجوم بتأمين 500 علبة حليب لأطفال سوريا المتضررين من الزلزال.

وقالت سيرين عبد النور في بث مباشر عبر حسابها بموقع تبادل الصور والفيديوهات انستجرام: ناس بتحكي كلام من قهرهم ووجعهم أكيد، طلب مني صحفي من سوريا اسمه ماجد إني أساعد الأطفال بعلب حليب وطلب مني 500 علب حليب للأطفال، وهذا أقل واجب إني أساعد أهلي وناسي في سوريا، ولأني عندي شعبية كبيرة في سوريا وبفرح بيها وفخورة بيها، ومن لحظة ما شفت الفيديو بتاع الصحفي عملت اتصالاتي لـ ناس علشان أعرف إزاي هقدر أوصل للكمية دي من حليب الأطفال.

أخر أعمال سيرين عبد النور

ومن الجدير بالذكر أن أخر أعمال سيرين عبد النورفي الغناء أغنية هزهزة، من كلمات ملاك عادل، ألحان محمد يحيى، ومكس وماستر محمد عباس، وتقول كلمات الأغنية: “قول كده هزهزه بتهزني اذا حسيت بلذاذا وانت جنبي قول نغنغنشه نغشتني اختشى قلبي بقى فراشه لونها بمبي من غير ولاعه ولعت يا جماعه انا في المعمعه اه يا قلبي قلبي يا قلبي قلبي يا قلبي حبك استذه وانا في التلمذه مبقولش لماذا".

"وياك انت ده هواك نغنغه والشوق درمغه دانا متدغدغه حته حته انا ايه اللي رماني وعليك وداني اه يا ١٠٠ اه ياني منك انت قلبي يا قلبي قلبي يا قلبي دوخه انا حاسه بدوخه ليه ده باينه اللي اسمه ايه طيب اوكي اوكي بيلعب بقلبي وانا حبيت اللعبه دي”.