ومن الحب ما قتل.. عم علي ولع في نفسه بسبب حبيبته|فيديو

تبدلت حياة عم علي 180 درجة بسبب قصة حب فشلت، ليقوم على إثرها بحرق نفسه بالبنزين بعدما رفضته الفتاة التي أحبها.

تحيا مصر

هنحطلك شطة.. حميدة تستغيث: جاري قالي هقلعك هدومك وأفضحك | فيديو

ملكة جمال المقطم تطلب عريس على الهواء: الحقوني عايزة أتجوز|فيديو

عم علي يحرق نفسه بسبب حبيبته

وروى عم على قصته منذ صغره لموقع "تحيا مصر"، وقال" أنه تربى في المرج وعمل في مهنة السمك، لكن الجماعة الذين عمل معهم كانوا يعملون في الإتجار بالمخدرات واتخذوا السمك واجهة لهم، واستغلوه فكان يحمل لهم المخدرات.

وأضاف علي "حبيت بنت كانت صغيرة عني بكتير لكن الحب مايعرفش فرق السن، وخلال عملي في بيع السمك تم القبض عليا بسبب المخدرات الي بوصلها للناس، كانت بتبقى ملفوفة وأنا معرفش أيه اللي فيها أنا بوصلها وبس، وتم الحكم عليا بـ17 سنة أحداث، ولما خرجت أتقدمتلها وأبوها رحب بيا لكن هي مش عارف إيه اللي حصل معاها الحب اتغير مع أن طول فترة السجن كانت بتوعد انها هتستناني".

سبب رفض حبيبة عم علي له

أوضح عم على"أثناء تواجدي في منزل والد حبيبتي لخطبتها، خرجت وقالت لي كلام مختلف "أنا ماخدش واحد مسجل" أزاي أخدك أنت، فأنا مشفتش قدامي وقمت عشان اكلمها أبوها راح زقني فأنا خبطة على دماغه بقزازة الحاجة الساقعة.

وتابع " بعد كده حاولت الانتحار عن طريق الحبوب ، أخدت 30 حباية ومشفتش قدامي، وبعدها روحت المستشفى ولما فوقت، وروحت ولعتلهم في البيت، مكنش فيه خساير في الارواح لكن كان فيه خساير في العفش.

ولعت في نفسي بالبنزين

وتحدث علي عن السبب الذي جعله يقوم بحرق نفسه بالبنزين، قائلا:"لما ولعت في بيتهم الناس جات واخواتي جم، كنت فاكرهم أنهم جايين يأذوني لكنهم مكنوش هيأذوني، وقلتلهم محدش يبقرب مني، وروحت دالق البنزين علي نفسي ومولع".

واشار إلى أن أخيها ويدعى محمد هو من وقف بجانبه ولم يفارقه موضحا "محمد أخويا مهما أعمل أو يعمل مش بنزعل من بعض، وفضل واقف جنبي، لكن أخويا الكبير مراته مسيطره عليه وخلته قاطع أمه، أما أخواتي البنات مقدرش أحكم عليهم لأنهم في ذمة رجالة".

رد فعل حبيبته بعد ماحرق نفسه

كشف عم علي أن الفتاة التي أحبها تم كتب كتابها بعد اليوم الثاني مع قيامه بحرق نفسه علي ابن خالها، موضحا «القصة كانت فضيحة بالنسبة لها عشان كده أهلها كانوا عايزين يلموا الموضوع».

ولفت إلى أن مصيره أصبح في الشارع بسبب النصب عليه موضحا "بعد ما خرجت من المستشفى بعد 4 شهور صممت إني أبيع البيت اللي في المرج وأخواتي كل واحد أخد نصيبه وأنا اشتريت بنصيبي عربيتين بحصان لكن تم النصب عليا وأصبح مصيري الشارع في الحسين".

وشدد على أنه لو رجع بيه الزمن لن يقدم على ما فعله، ناصحا الشباب بعدم الإقدام على تعاطي المخدرات أو الانتحار في حال فشلت قصة حبه لأنها مش نهاية الدنيا.