عمرو مصطفى نرجسي ومستحيل ألحن مهرجانات.. أبرز تصريحات رامي جمال

حل الفنان رامي جمال ضيف على برنامج “حبر سري” المذاع على قناة القاهرة والناس، والذي تقدمه الإعلامية أسما إبراهيم وكشف من خلاله رأيه في عدد من نجوم الفن، فضلا غن تفاصيل خاصة بحياته الشخصية وإصابته بمرض البهاق والسكر، وفي ذلك الإطار يرصد تحيا مصر أبرز تصريحات رامي جمال.

تصريحات رامي جمال مع أسما إبراهيم

• عمرو مصطفى في نوع من النرجسية أنا مش بحبه.
• عمرو مصطفى عاب في زمايله ولما تعيب في زمايلك إنت بتعيب في مهنتك، وأنا شايف إننا نكبر بعض أحسن.
• الملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر.
•  مستحيل ألحن مهرجانات ومش ذوقي وأنا هتحاسب على اللي بعمله فمش عايز أقدم فن اعتذر عنه بعد كده في يوم من الأيام.
• أنا من نجوم الصف الأول ومن وجهة نظر السوق وباخد أجر أكثر من ناس كتير.
• الهضبة نمبر وان وتامر حسني فنان شاطر بس ميتقالش عليه رقم واحد إلا بعد 40 سنة.
• محمد منير بيقدم اللي عايزه، وكلام أغانيه فلسفي ومزيكته مختلفة وبيعمل اللي هو عايزه.
• شايف كل الشغلانات فيها حلال وحرام وفيه شبهات ممكن حد يتجنبها، ومش عايز أحددها لو لينا زملاء بيعملوها.
• أنا مستحيل أغني في مكان فيه شرب وخمور.
• مش بشتغل في مكان فيه رقاصة ومستحيل تطلع في فقرتي ولو اتعملت مفاجأة همشي.
• البهاق بسبب اني نمت زهقان على أغنية.. صورنا أغنية كانت تكلفتها 100 ألف دولار ومنزلتش.
• جالي السكر بعد ما شهر من استشهاد صديق عمري وعرفت وقتها ان الزعل بيأثر عليا واني مش جامد زي ما باين.

أخر أعمال رامي جمال

ويذكر، أنه طرح رامي جمال مؤخرا أغنية بعنوان gps، وذلك عبر حسابه الرسمي بموقع الفيديوهات الشهير يوتيوب، والذي روج لها، قائلا: دور بينا في الشوارع نزل حبه الازاز ده قمرنا لسه طالع وعيونك دول لذاذ.. رامي جمال وجي بي إس.. ألحان احمد العدل توزيع وميكس وماستر الهامي دهيمه واحمد حسام كلمات محمود طلعت تصميم الفيديو احمد بدر، فرفشة شويه لحد عيد ميلادي فاضل ١٠ ايام حاليا على قناتي على يوتيوب.