انا ضد الطلاق وهسجد لما ربنا يعوضني في جوازتي التالتة.. أبرز تصريحات ريم طارق

خرجت ريم طارق، طليقة مطرب المهرجانات الشعبية حسن شاكوش، في بث مباشر جديد عبر صفحتها الرسمي بموقع تبادل الصور والفيديوهات انستجرام، لتكشف عن تصريحات جديدة خاصة بحياتها الشخصية، وفي ذلك الاطار يرصدها تحيا مصر في تلك السطور.

ريم طارق: لسة مخدتش حقي وانا ضد الطلاق

كشفت ريم طارق عن موقفها من الطلاق مشيرة إلى أنها ضده، فقالت: أنا ضد فكرة الطلاق لإن الموضوع صعب ووحش وخراب البيوت مش سهل ولسه ما خدتش حقي.

وتابعت ريم طارق حديثها:  أنا قاعدة في بيت بابا وما خدتش فيلا ولا حاجة ولسه ما خدتش حقوقي، أنا ضد إن حد يقول حاجة من غير دليل ولكن كان عنده مشكلة فكان لازم ما يحصلش نصيب بينا والموضوع التاني زي ما أنتم عارفين، والدنيا سلف ودين وبدعي وبقول يا رب تديني على قد نيتي وبس والدنيا تلف وتدور ونشوف هي كده كده بتلف دلوقتي واللي مركز هيشوف كده.

ريم طارق: هسجد لما ربنا يعوضني في جوازتي التالتة واتعرض عليا أمثل

واستكملت ريم طارق حديثها: ما سجدتش لما أطلقت ولكن هسجد لما ربنا يعوضني في جوازتي التالتة.

وتطرقت ريم طارق بالحديث عن معلومات خاصة بحياتها الشخصية، فقالت:  أنا خريجة سياحة وفنادق جامعة 6 أكتوبر وعندي 28 سنة وهتم 29 الشهر ده، وبفكر أرجع شغلي وكنت شغالة سيلز، واتعرض عليا أني أمثل، وممكن أمثل لأني عشت في مسلسل، وعمري ما عملت عمليات تجميل.

علاقة حسن شاكوش بحورية فرغلي

من ناحية أخرى، أثارت ريم طارق الجدل في الساعات الماضية، وذلك بعد تصريحها بأن حسن شاكوش كان يخونها في نهار رمضان مع فنانة مشهورة لديها مشاكل صحية وثالث حرف من اسمها ر، ما جعل الجمهور يرجح بأنها حورية فرغلي.

ورد حسن شاكوش على تلك التصريحات موضحا طبيعة علاقته بحورية فرغلي، فقال: الفنانة حرية فرغلي لا يمسني بيها اي شئ غير انها زميلة وصديقة عمل ومش فاهم سبب وجود سيرتها في الموضوع ايه من خلال البرامج انا دلوقتي كلامي للأعلام ارجوكم بلاش تشاركوا الناس كلام غلط كفايه كلام في تفاصيل وحياة شخصية اللي ظاهر للناس يخص الناس انا دلوقتي بمتنع عن اي كلام في حاجه تخص حياتي الشخصية.