رامي جمال: سعد لمجرد متربي جدا ولو ليه غلطات فإحنا مش أنبياء وكلنا بنغلط

تحدث الفنان رامي جمال عن تفاصيل تعاونه مع الفنانة إليسا والفنان سعد لمجرد في أغنية من أول دقيقة، مشيرا إلى أنه لم يكن يعرف أن سعد لمجرد مشارك بها لكنه أصر معرفة الشخص الثاني في العمل حتى يستطيع أن يضع اللحن بشكل صحيح.

تحيا مصر يرصد في ذلك التقرير تصريحات رامي جمال عن أغنية من أول دقيقة

رامي جمال: إليسا مكنتش راضية تقولي مين معاها في من أول دقيقة

وقال رامي جمال خلال حلوله ضيف على برنامج “حبر سري” المذاع على قناة القاهرة والناس وتقدمه الإعلامية أسما إبراهيم: اليسا كانت مخبية عليا أن سعد لمجرد هيشارك معاها في أغنية من أول دقيقة معرفش السبب ليه، بس أنا عشان اللحن يظبط معايا أصريت إن أعرف مين عشان أعرف أطلع شغلي بشكل كويس، وممكن يكونوا مقالوش عشان مكنوش اتعاقدوا بشكل رسمي مع سعد لمجرد.

 وعن رأسه في قضية سعد لمجرد، قال رامي جمال: معنديش مشكلة مع قضيته هو لحد دلوقتي مصدرش حكم ضده وياما سمعنا عن المشكلة دي مع لاعبين كرة وطعلوا مظلومين، وبعدين سعد بيقدم فن مليش دعوة بحياته الشخصية، وعلى تعاملي معاه سعد لمجرد متربي جدا  ولو ليه غلطات فإحنا مش أنبياء وكلنا بنغلط ومغلطش غلط كبير إن حد يقولي انت بتتعاون معاه ليه.

أغنية من أول دقيقة

جدير بالذكر، أن أغنية من أول دقيقة دويتو غنائي يجمع المطربة إليسا بالفنان سعد لمجرد، والعمل من ألحان الفنان رامي جمال، وكلمات أمير طعيمة، وحققت ملايين المشاهدات بعد طرحها بساعات على موقع الفيديوهات الشهير يوتيوب.

وتقول كلمات الأغنية: بغير من عيني وانا شايفك وده اللي وصلت ليه لو أسمع اسمي بشفايفك بقولك كرّريه وعمري ما هقدر أوصفلك بحبك قد ايه إرسمني في ليلك نجمة ضيها يلمع في العين إكتبني في عمرك كلمة يحكوها الناس بعدين أنا نفسي أعيش فوق عمري يا حبيبي معاك عمرينـ لو تطلبي مني عينيا لو تطلبي عمري كمان هديكي سنيني الجاية وهكون راضي وفرحان انتي اللي وجودك جنبي حسسني إن أنا إنسان ده من أول دقيقة لحبك قلبي مال عرفت بميت طريقة تغير حال بحال بتوه بين الحقيقة يا عمري والخيال.