عايدة غنيم: كنت فاكرة إن بعد الحاج متولي هطلع في أدوار بطولة والتمثيل في مصر صعب

حلت الفنانة عايدة غنيم، بطلة مسلسل “الحاج متولي”، ضيفة على برنامج “كلام الناس”، والمذاع على قناة mbc مصر، والتي كشفت خلاله عدد من التصريحات يرصدها تحيا مصر في هذا التقرير.

عايدة غنيم: كلمت ناس كتير عشان أمثل في مصر بس قالوا صعب

وقالت عايدة غنيم عن سبب توقفها عن التمثيل في مصر، فقالت: موقفتش التمثيل بس هنا في مصر الموضوع صعب وكلمت ناس كتير في الفن واللي كان بيتقال مش في ايدينا حاجة نعملها لكن أنا اشتغل في عمل لبناني وقعدت شهر في سوريا نصوره.

وتابعت: خدوجة صبري صدقتي كل أما بتلاقي دور مناسب ليا بترشحني وبتشغل بشخصيتي اني مصرية وفلوس ليبيا أكتر وهناك بيفكروا ازاي أريح الفنانين، وبالنسبة للهجة هما كانو فهمني لكن الموضوع بيكون صعب شوية بسبب ان الدراما المصرية كانت فرضة سيطرتها على كل الدول العربية

عايدة غنيم عن مشاركتها في الحاج متولي: كنت رايحة على أساس أبقى بنت نور الشريف وزعلت إنهم  ادوني سعدية

وعن كواليس تصوير مسلسل “الحاج متولي”، قالت عايدة غنيم: كنا في المسلسل عيلة بجد والكواليس كانت حلوة جدا وكنا بنفطر مع بعض، وعايدة رياض قالتلي انهم بيدوروا على بنت تعمل بنت نور الشريف، وأما روحت قالوا هياخدوا دور سعدية فزعلت وعيطت وكلمت عايدة رياض وقالتلي المسلسل بتاع نور الشريف لو طالعة بدور صغير هتتشافي فقولت اجرب.

واأكدت: ولحد دلوقتي على علاقة بـ عايدة رياض وبكلمها وبنتواصل مع بعض في المناسبات لكن مش بيصادف اننا نشوف بعض.

عايدة غنيم ورفضها للأدوار

وأعربت عايدة غنيم عن رفضها لعدد من الأدوار التي عرضت عليها بسبب طموحها في أخذ أدوار بطولة، فقالت: كنت فاكرة إن بعد الحاج متولي هعمل بطولات زي غادة عبد الرازق فكنت برفض الأدوار اللي بتجيلي، والناس فكراني بالحاج متولي ورفضت كذا دور بسبب إن المفروض شايفة نفسي بطلة عمل وده لأن مكنش فيه حد بيوجهني صح، وفي سجن النسا كنت هعمل دور نسرين أمين وكنت حاسة إن الدور صغير فرفضته وندمانة لحد دلوقتي: