أول تعليق من حسن شاكوش على خيانته لـ ريم طارق مع حورية فرغلي: بحبها وبحترمها

خرج مطرب المهرجانات الشعبية حسن شاكوش للرد على جدل خيانته لـ ريم طارق مع الفنانة حورية فرغلي، وذلك بعدما قالت ريم طارق في تصريحات تليفزيوينة أن حسن شاكوش يخونها في نهار رمضان مع نجمة ثالث حرف لها هو الـ “ر”، ولديها مشاكل صحية، ليرجح العديد بأنها حورية فرغلي.

تحيا مصر يرصد في ذلك التقرير تصريحات حسن شاكوش عن علاقته بـ حورية فرغلي

حسن شاكوش يرد على جدل خيانته لـ زوجته مع حورية فرغلي

وقال حسن شاكوش خلال حسابه الرسمي بموقع التواصل الإجتماعي “فيسبوك”: جمهوري الغالي كل معاني الشكر ليكم ولكل شخص متفهم الموقف وشاركني البوست انا شفت معظم التعليقات ومحترم كل شخص وكل كلمة حتي لو هيا عكسية الحقيقه دائما عند ربنا وسكوتي وعدم ردي شئ مريحني اكثر من الكلام ولكن في شئ يخص فنانة جميلة كلنا بنحبها وبنحترمها وحقيقي انا لا اعلم صحة الكلام اللي بيتقال.

وتابع: ولكن انا من خلال صفحاتي الرسمية بحب اقول ان الفنانة حرية فرغلي لا يمسني بيها اي شئ غير انها زميلة وصديقة عمل ومش فاهم سبب وجود سيرتها في الموضوع ايه من خلال البرامج انا دلوقتي كلامي للأعلام ارجوكم بلاش تشاركوا الناس كلام غلط كفايه كلام في تفاصيل وحياة شخصية اللي ظاهر للناس يخص الناس انا دلوقتي بمتنع عن اي كلام في حاجه تخص حياتي الشخصية

حسن شاكوش لـ حورية فرغلي: بعتذرلك عن أي شيء اتحطيتي فيه

واستكمل: ارجوا ارجوا احترام رغبتي مع احترامي لكل الصحافة المصرية ولكن الاخبار الغير حقيقية دي بتضعف موقفكم في يوم من الايام لما الحقيقه تبان كل الاحترام والتقدير ليكي يا فنانه يا كبيرة وبعتذرلك مرة اخري عن اي شئ اتحطيتي فيه.

وسبق ورد حسن شاكوش في فيديو عبر حسابه الرسمي بموقع فيسبوك، ردا على تصريحات طليقته ريم طارق الأخيرة: أنا كنت ساكت كتير، وأنا عمري في حياتي ولا جبت سيرة بنت ولا غلطت في حق بنت لأني عارف يعني ايه المرأة المصرية، وعارف يعني ايه شرف المرأة المصرية، وزي ما المرأة ليها شرف وكرامة بردو الرجل ليه شرف وكرامة وسمعته، وأنتو عارفين أن شغلنا كله قايم على سمعتنا.

حسن شاكوش بعد تصريحات ريم طارق: مينفعش اجيب سيرة واحدة بحاجة وحشة

وتابع: أنا بعمل أغاني للبنات وللمجتمع بتاعي ولجمهوري وللناس اللي بتحبني، كل الناس اللي بتسمعني ناس محترمة وليهم كل التحية والتقدير ومينفعش أجيب سيرة أي واحدة في أي وحش، دا اللي أنا اتربيت عليه.